12.Urdhëresa më e madhe dhe ndalesa më e madhe

Autor: Imam Muhammed bin Abdil-Vehab (v. 1206)

Shpjegues i librit: Imam Abdul-Aziz bin Abdullah bin Baz (v. 1420)

Burimi: Sherh Thalathat-il-Usul, fq 19-20

Përktheu: Valdet Gashi

www.perlatmuslimane.com 

Gjëja më e madhe që Allahu ka urdhëruar është Teuhidi. Teuhid do të thotë se i tërë adhurimi duhet t’i kushtohet vetëm Allahut. Ty nuk të lejohet të adhurosh të tjerë pos Tij. Nuk të lejohet të adhurosh ndonjë statujë, ndonjë profet, ndonjë engjëll, ndonjë gur, ndonjë xhin apo diçka tjetër.

Allahu (subhaneh) ka thënë:

وَلَوْ أَشْرَكُواْ لَحَبِطَ عَنْهُم مَّا كَانُواْ يَعْمَلُونَ

”E sikur t’i bënin shok Zotit (edhe ndonjë nga këta) kishte për t’iu shkuar huq ajo që kanë vepruar.” En-Aam 6:88.

وَلَقَدْ أُوحِيَ إِلَيْكَ وَإِلَى الَّذِينَ مِنْ قَبْلِكَ لَئِنْ أَشْرَكْتَ لَيَحْبَطَنَّ عَمَلُكَ وَلَتَكُونَنَّ مِنَ الْخَاسِرِينَ

”Ty të është shpallur, e edhe atyre para teje: ”Nëse i bën shok (Allahut), veprat e tua janë të asgjësuara dhe ti do të jesh prej të humburve.” Ez-Zumer 39:65.

Bukhariu dhe Muslimi transmeton se profeti ﷺ u pyet:

”Cili mëkat është më i madhi?” Ai ﷺ u përgjigj: ”Që të adhurosh dikë karshi Allahut, kur Ai është që të krijoi ty.”

Iu tha: ”Cili mëkat vjen pastaj?” Ai ﷺ  u përgjigj: ”Që ta mbytësh fëmijën tënd nga frika se ai do të ha me ty.” Iu tha: ”Cili mëkat vjen pastaj?” Ai ﷺ u përgjigj: ”Që të bësh zina me gruan e komshiut tënd.” Bukhari (447) dhe Muslimi (86).

Profeti ﷺ e bëri të qartë se idhujtaria është mëkati më i madh, më i keq dhe më i rrezikshëm. Në një hadith tjetër, profeti  ﷺ thotë:

”A të mos ju tregojë për mëkatin më të madh?” Ne, thamë: ”Po, o i dërguari i Allahut.” Ai ﷺ tha: ”Ti bësh idhujtari Allahut.” Bukhari (5976) dhe Muslimi (87).

Teuhid pra d.m.th që Allahu të veçohet me adhurim.

Idhujtaria (shirku) është të adhurosh dikë tjetër pos Allahut, t’i frikësohesh dikujt tjetër pos Allahut, të shpresosh në dikë tjetër pos Allahut, të therësh kurban për dikë tjetër pos Allahut, të betohesh në dikë tjetër pos Allahut, ose t’i dedikosh ndonjë formë tjetër adhurimi dikujt tjetër pos Allahut. Të gjitha këto janë idhujtari e madhe pavarësisht nëse atij që i lutesh është një profet, një engjëll, një xhin, një pemë, një shkëmb apo diçka tjetër.

Prandaj Allahu (te ala) ka thënë:

وَاعْبُدُواْ اللّهَ وَلاَ تُشْرِكُواْ بِهِ شَيْئًا

”Adhurojeni Allahun e mos i shoqëroni Atij asnjë send.” En-Nisa 4:36.

Fjala ”asnjë send” është përmendur në formën e papërcaktuar në kontekst mohimi dhe kështu përfshin gjithçka. Allahu (subhaneh) ka thënë:

وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ

”Ata nuk ishin të urdhëruar me tjetër, pos që ta adhuronin Allahun me një adhurim të sinqertë ndaj Tij.” El-Bejjineh 98:5.

Gjëja më e madhe që Allahu ka urdhëruar është Teuhidi që do të thotë që të adhurohet vetëm Allahu, dhe gjëja më e madhe që Ai ka ndaluar është idhujtaria (shirku), dhe kjo është që të adhurohet diçka karshi Allahut (azze ue xhel). Prandaj shpesh ndodhë që Allahu (subhanehu ue te ala) urdhëron Teuhidin dhe ndalon idhujtarinë (shirkun) në librin e Tij.