14. Ti kërkosh ndihmë dikujt tjetër pos Allahut dhe t’i lutesh dikujt tjetër pos Allahut është shirk

Autor: Imam Muhammed bin Abdil-Vehab  (v. 1206)

Shpjegues i librit: Imam Abdul-Aziz bin Abdullah bin Baz (v. 1420)

Shejkh-ul-Islam Muhammed bin Abdil-Vehab (rahimehullah) ka thënë:

1 – Allahu (te ala) ka thënë:

وَلاَ تَدْعُ مِن دُونِ اللّهِ مَا لاَ يَنفَعُكَ وَلاَ يَضُرُّكَ فَإِن فَعَلْتَ فَإِنَّكَ إِذًا مِّنَ الظَّالِمِينَ وَإِن يَمْسَسْكَ اللّهُ بِضُرٍّ فَلاَ كَاشِفَ لَهُ إِلاَّ هُوَ

”Dhe mos lut tjetër kë pos Allahut, ndonjë (idhull) që nuk të sjellë as dobi as dëm, e nëse e bën atë, dije se i ke bërë padrejtësi vetvetes. Nëse Allahu të godet me ndonjë të keqe, atë s’mund ta largojë kush pos Tij, po nëse dëshiron të japë ndonjë të mirë, s’ka kush që mund ta pengojë dhuntinë e Tij.”1

2 –

فَابْتَغُوا عِندَ اللَّهِ الرِّزْقَ وَاعْبُدُوهُ وَاشْكُرُوا لَهُ إِلَيْهِ تُرْجَعُونَ

”Pra kërkojeni furnizimin te Allahu, adhurojeni Atë dhe shprehni falënderimin Atij, se te Ai do të ktheheni.”2

3 –

وَمَنْ أَضَلُّ مِمَّن يَدْعُو مِن دُونِ اللَّهِ مَن لَّا يَسْتَجِيبُ لَهُ إِلَى يَومِ الْقِيَامَةِ وَهُمْ عَن دُعَائِهِمْ غَافِلُونَ

“Dhe kush është në rrugë më të gabuar se sa ai i cili lut në vend të Allahut të atillë që nuk do t’i përgjigjen atij deri në Ditën e Ringjalljes dhe të cilët madje janë krejt të pavetëdijshëm për lutjet që u bëhen atyre?”3

4 –

أَمَّنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ

“A nuk është Ai i Cili i përgjigjet të nevojtarit (të pikëlluarit) kur ai i drejtohet Atij dhe i Cili e largon të keqen dhe u bën ju trashëgues të tokës brez pas brezi.” 4

5 – Tabarani transmeton me zinxhirin e tij të transmetimit se ishte një hipokrit në kohën e profetit ﷺ që i bezdiste besimtarët. Disa prej tyre thanë: ”Le të shkojmë dhe të kërkojmë ndihmën e të dërguarit të Allahut ﷺ ndaj këtij hipokriti.” Atëherë profeti ﷺ tha: ”Nuk duhet të kërkohet ndihma nga unë. Është vetëm Allahu (azze ue xhel) nga i Cili duhet kërkuar ndihmë.”5

Shpjegimi

Ky kapitull është i përgjithshëm. Sepse lutja për ndihmë është adhurim. Secili që kërkon ndihmë lutet, por secili që lutet nuk kërkon ndihmë. Një person i cili kërkon ndihmë është ai që adhuron gjatë vështirësive, e cila ndër të tjera përmendet në ajetin:

فَاسْتَغَاثَهُ الَّذِي مِن شِيعَتِهِ عَلَى الَّذِي مِنْ عَدُوِّ

”E ai i anës së tij i kërkoi ndihmë kundër armikut.”6

Ai që është i sëmurë ose frikësohet nga mbytja në ujë dhe i lutet të dërguarit ﷺ ose el-Bedeuit (një varr i njohur në Egjipt ku bëhen lutje shirku) për ndihmë, kanë rënë në shirk të madh. Idhujtarët gjatë kohës pagane e kishin zakon t’i luteshin vetëm Allahut kur ata goditeshin nga vështirësitë. Ata e dinin se askush pos Allahut nuk mund të shpëtojë. Idhujtarët e sotëm bëjnë idhujtari si në kohë të mira dhe në kohë të vështira. Pra është idhujtari e madhe për t’iu lutur dikujt përveç Allahut për ndihmë gjatë vështirësive. Kushdo që e bën këtë në kohë të vështira, konsiderohet t’i ketë kërkuar ndihmë, ndërsa ai që e bën këtë në kohë të mira konsiderohet t’i jetë lutur atyre. Megjithatë, që të dy veprimet janë idhujtari. Dëshmia për këtë është:

1 – Allahu (te ala) ka thënë:

وَلاَ تَدْعُ مِن دُونِ اللّهِ مَا لاَ يَنفَعُكَ وَلاَ يَضُرُّكَ فَإِن فَعَلْتَ فَإِنَّكَ إِذًا مِّنَ الظَّالِمِينَ وَإِن يَمْسَسْكَ اللّهُ بِضُرٍّ فَلاَ كَاشِفَ لَهُ إِلاَّ هُوَ

”Dhe mos lut tjetër kë pos Allahut, ndonjë (idhull) që nuk të sjellë as dobi as dëm, e nëse e bën atë, dije se i ke bërë padrejtësi vetvetes.”7

Do të thotë një idhujtar.

وَالْكَافِرُونَ هُمُ الظَّالِمُونَ

”Kufarët janë mizorë.”8

Allahu e qartësoi gjykimin për atë që adhuron dikë tjetër pos Allahut dhe as nuk mund të bëj dobi apo dëm. Gjykimi është i përgjithshëm dhe vlen për të gjitha krijesat që nuk janë në gjendje të bëjnë dobi apo dëm vetvetiu. Është vetëm Allahu i Cili posedon dobinë dhe dëmin e tyre. Allahu e ka bërë të qartë se ai që i lutet dikujt tjetër pos Allahut është idhujtar. Ky gjykim nuk vlen për atë që i lutet një njeriu të gjallë, të aftë për atë ndihmë. Muslimanët janë të pajtimit se kjo nuk është idhujtari. Shembulli i saj është që të lutësh dikë që të ndihmojë të bartësh diçka, të huazosh para dhe të ngjashme. Allahu (te ala) ka thënë:

وَإِن يَمْسَسْكَ اللّهُ بِضُرٍّ فَلاَ كَاشِفَ لَهُ إِلاَّ هُوَ

”Nëse Allahu të provon me ndonjë të keqe, atë s’mund ta largojë kush pos Tij.”9

Kjo është e bazuar në atë se krijesat janë të paafta për të sjell dobi ose për të shmangur të keqen. Atëherë si mund të adhuroni dikë tjetër pos Tij, dhe dikë që është i paaftë?

2 –

فَابْتَغُوا عِندَ اللَّهِ الرِّزْقَ وَاعْبُدُوهُ وَاشْكُرُوا لَهُ إِلَيْهِ تُرْجَعُونَ

”Pra kërkojeni furnizimin te Allahu, adhurojeni Atë dhe shprehni falënderimin Atij, se te Ai do të ktheheni.”10

Ai urdhëroi që vetëm Atij duhet t’i kërkohet furnizimi dhe ndihma dhe se askush tjetër pos Tij nuk duhet të adhurohet. Përjashtimet janë treguar.

3 –

وَمَنْ أَضَلُّ مِمَّن يَدْعُو مِن دُونِ اللَّهِ مَن لَّا يَسْتَجِيبُ لَهُ إِلَى يَومِ الْقِيَامَةِ وَهُمْ عَن دُعَائِهِمْ غَافِلُونَ

“Dhe kush është në rrugë më të gabuar se sa ai i cili lut në vend të Allahut të atillë që nuk do t’i përgjigjen atij deri në Ditën e Ringjalljes dhe të cilët madje janë krejt të pavetëdijshëm për lutjet që u bëhen atyre?”11

Ajeti dëshmon se askush nuk është më i humbur se sa ai që i lutet dikujt tjetër pos Allahut. Një person i tillë nuk do të ketë sukses në këtë jetë dhe në botën tjetër ai është nga të humburit në xhehenem. Ai tregoi katër gjëra lidhur me ata të adhuruarit pos Allahut:

1 – Ata nuk mund t’i përgjigjen atyre deri në Ditën e Gjykimit.

2 – Ata nuk janë të vetëdijshëm për lutjet e tyre. Kjo është për shkak se ata janë të vdekur, objektet e pajetë që nuk kanë ndjenja, të gjallë por janë të zënë me vetet e tyre ose engjëjt të cilët nuk e dinë se kush po i lutet atyre.

3 – Në Ditën e Gjykimit ata do të jenë armiq të atyre që iu luteshin atyre.

4 – Ata do të heqin dorë prej adhurimit të tyre dhe do t’i kritikojnë ata.

أَمَّنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ

“A nuk është Ai i Cili i përgjigjet të nevojtarit (të pikëlluarit) kur ai i drejtohet Atij dhe i Cili e largon të keqen dhe u bën ju trashëgues të tokës brez pas brezi.” 12

Do të thotë se nuk munden. Prandaj, nuk duhet lutur asnjë tjetër përveç Allahut.

5 – Tabarani transmeton me zinxhirin e tij të transmetimit se ishte një hipokrit në kohën e profetit ﷺ që i bezdiste besimtarët. Disa prej tyre thanë: ”Le të shkojmë dhe të kërkojmë ndihmën e të dërguarit të Allahut ﷺ ndaj këtij hipokriti.” Atëherë profeti ﷺ tha: ”Nuk duhet të kërkohet ndihma nga unë. Është vetëm Allahu (azze ue xhel) nga i Cili duhet kërkuar ndihmë.”13

Në një tjetër formulim përmendet se ishte Ubadeh es-Samit i cili e tha këtë dhe se hipokriti ishte Abdullah bin Ebi Selul. Megjithatë, ka një dobësi në zinxhirë të transmetimit.

Sahabët kërkonin ndihmë vetëm nga i dërguari ﷺ, sepse ata e dinin se ai mund t’i shpëtojë ata nga ai duke e vrarë ose duke e burgosur atë. Ata e dinin se është e lejuar që të kërkosh ndihmë nga një njeri i gjallë dhe i aftë për atë. Prandaj, ata shkuan tek ai. Fjalët e profetit ﷺ: ”Nuk duhet të kërkohet ndihma nga unë”, mund të interpretohen në dy mënyra:

1 – Porfeti ﷺ nuk mundi ta mbysë atë, sepse ishte e ndaluar, sepse njerëzit do të thoshin se Muhammedi ﷺ i mbytë shokët e tij. Si rezultat, ai nuk e mbyti atë.

2 – Në qoftë se transmetimi është autentik, është e mundur që ai tha si shkak të një arsyeje parandaluese edhe pse ai ishte në gjendje që ta mbysë atë. Ai e tha kështu në mënyrë që ata të mos flasin në këtë mënyrë lidhur me çështjet që ai nuk kishte mundësi që t’i ndryshojë.

Çështja është se askujt tjetër përveç Allahut nuk duhet t’i kërkohet ndihmë, me përjashtim të çështjeve për të cilat personi i gjallë është i aftë që t’i bëjë.

---

1 Junus 10:106-107.
2 El-Ankebut 29:17.
3 El-Fet’h 46:5.
4 Neml 27:62.
5 El-Hejtemi ka thënë: ”Transmetuar nga Tabarani. Burrat e tij janë njerëz të el-Bukharit përpos Ibn Lai’ah që, megjithatë, transmeton hadithe të mira.” (Mexhma-uz-Zaua’id (17276))
6 El-Kasas 28:15.
7 Junus 10:106.
8 El-Bekare 2:254.
9 Junus 10:107.
10 El-Ankebut 29:17.
11 El-Fet’h 46:5.
12 Neml 27:62.
13 El-Hejtemi ka thënë: ”Transmetuar nga Tabarani. Burrat e tij janë njerëz të el-Bukharit përpos Ibn Lai’ah që, megjithatë, transmeton hadithe të mira.” (Mexhma-uz-Zaua’id (17276)).