36. Syefaqësia
Autor: Imam Muhammed bin Abdul-Vehab (v. 1206)
Shpjegues i librit: Imam Abdul-Aziz bin Abdullah bin Baz (v. 1420)
Burimi: Sherh Kitab-it-Teuhid, fq. 118-119
Përktheu: Valdet Gashi
Shejkh-ul-Islam Muhammed bin Abdil-Vehab (rahimehullah) ka thënë:
1 – Allahu (te ala) ka thënë:
قُلْ إِنَّمَا أَنَا بَشَرٌ مِّثْلُكُمْ يُوحَى إِلَيَّ أَنَّمَا إِلَهُكُمْ إِلَهٌ وَاحِدٌ فَمَن كَانَ يَرْجُو لِقَاء رَبِّهِ فَلْيَعْمَلْ عَمَلًا صَالِحًا وَلَا يُشْرِكْ بِعِبَادَةِ رَبِّهِ أَحَدًا
”Thuaj: “Unë jam vetëm njeri, sikurse edhe ju, mua më shpallet se i Adhuruari juaj është një, e kush është që e shpreson takimin e Zotit të vet, le të bëjë vepër të mirë, e në adhurimin ndaj Zotit të tij të mos e përziejë askënd.”1
2 – Ebu Hurejra (radijAllahu anhu) transmeton se i dërguari i Allahut ﷺ ka thënë:
”Allahu (te ala) ka thënë: ”Unë jam më i Vetëmjaftueshmi i Cili nuk ka nevojë për shoqërues. Ai që bën një vepër në të cilën ai e shoqëron dikë tjetër me Mua, Unë do ta braktis atë dhe idhujtarinë e tij.”2
Transmetuar nga Muslimi.
3 – Ebu Seid el-Khudri (radijAllahu anhu) transmeton se i dërguari i Allahut ﷺ ka thënë:
“A të mos iu tregojë për atë që kam frikë për ju më shumë se sa el-Mesih ed-Dexhallin?” Ata thanë: “Po, o i dërguari i Allahut.” Ai tha: “Idhujtaria e fshehur është kur një njeri ngrihet për t’u falur dhe e zbukuron namazin e tij kur të shohë që njerëzit po e shikojnë atë.”3
Shpjegimi
Autori e ka shkruar këtë kapitull për të paralajmëruar kundër syefaqësisë. Syefaqësia do të thotë që një person bën një vepër që të tjerët ta shohin dhe ta lavdërojnë atë, ose për motive të tjera materiale. Mund gjithashtu të bëhet fjalë se ai dëshiron që të tjerët ta dëgjojnë se si ai lexon Kuranin, se si ai e lavdëron Allahun, si urdhëron për të mirë dhe ndalon nga e keqja. Prandaj thuhet në hadithin:
“Ai që dëshiron reputacion, Allahu do ti jep atij reputacion, Ai që dëshiron që puna e tij të shihet, Allahu do ta bëjë që të shihet puna e tij (qëllimi i tij do të shihet në Ditën e Gjykimit).” 4
Në një transmetim tjetër thuhet:
“Ai që dëshiroi reputacion, Allahu i dha reputacion dhe ai që dëshiroi që puna e tij të shihej, Allahu bëri që të shihej puna e tij.”
Kjo do të thotë se Allahu e zbulon atë dhe e turpëron në bazë të veprimit të tij. Muslimani është i detyruar të veprojë sinqerisht dhe të shpresojë shpërblimin e Allahut.
1 – Allahu (te ala) ka thënë:
قُلْ إِنَّمَا أَنَا بَشَرٌ مِّثْلُكُمْ يُوحَى إِلَيَّ أَنَّمَا إِلَهُكُمْ إِلَهٌ وَاحِدٌ فَمَن كَانَ يَرْجُو لِقَاء رَبِّهِ فَلْيَعْمَلْ عَمَلًا صَالِحًا وَلَا يُشْرِكْ بِعِبَادَةِ رَبِّهِ أَحَدًا
”Thuaj: “Unë jam vetëm njeri, sikurse edhe ju, mua më shpallet se i Adhuruari juaj është një, e kush është që e shpreson takimin e Zotit të vet, le të bëjë vepër të mirë, e në adhurimin ndaj Zotit të tij të mos e përziejë askënd.”
Një vepër e mirë përbëhet nga dy kushte:
1 – Tërë adhurimi duhet të bëhet sinqerisht për hir të Allahut.
2 – Adhurimi duhet të jetë në përputhje me Sheriatin (sipas Kuranit ose Sunnetit) dhe nuk lejohet të jetë i shpikur.
Ai që me të vërtetë dëshiron ta takojë Zotin e tij, duhet të veprojë sipas Sheriatit dhe të mos adhurojë dikë karshi Zotin të tij.
2 – Ebu Hurejra (radijAllahu anhu) transmeton se i dërguari i Allahut ﷺ ka thënë:
”Allahu (te ala) ka thënë: ”Unë jam më i Vetëmjaftueshmi i Cili nuk ka nevojë për shoqërues. Ai që bën një vepër në të cilën ai e shoqëron dikë tjetër me Mua, Unë do ta braktis atë dhe idhujtarinë e tij.”
Transmetuar nga Muslimi.
Kjo dëshmon se Allahu distancohet nga veprat të cilat përbëhen prej idhujtarisë dhe se Ai nuk i pranon ato. Në një formulim tjetër thuhet:
“Unë qëndrojë larg prej tyre. Ata mund të shkojnë tek ai që e kanë adhuruar.”
Kjo dëshmon se sinqeriteti është i detyrueshëm.
3 – Ebu Seid el-Khudri (radijAllahu anhu) transmeton se i dërguari i Allahut ﷺ ka thënë:
“A të mos iu tregojë për atë që kam frikë për ju më shumë se sa el-Mesih ed-Dexhallin?” Ata thanë: “Po, o i dërguari i Allahut.” Ai tha: “Idhujtaria e fshehur është kur një njeri ngrihet për t’u falur dhe e zbukuron namazin e tij kur të shohë që njerëzit po e shikojnë atë.”
Në Ditën e Gjykimit, Allahu u thotë atyre që bënin syefaqësi:
“Në Ditën e Gjykimit Allahu do t’u thotë atyre që bënin syefaqësi: “Shkoni tek ai për të cilin vepruat në tokë dhe shikoni nëse ata kanë ndonjë shpërblim.”
Kjo dëshmon se sa e rrezikshme është syefaqësia dhe mbi të gjitha për adhuruesit. Ai ﷺ kishte frikë për sahabët, të cilët ishin njerëzit më të mirë. Sepse syefaqësia i godet edhe të devotshmit. Ata sprovohen me syefaqësi si gjithë të tjerët dhe ata e marrin me lehtësi atë. Dexhalli mund të njihet me anë të shenjave dalluese, kurse idhujtaria e fshehur është më e rrezikshme, për shkak se ajo është e fshehur në zemrën përtej shikimit të njerëzve. Megjithatë, madje edhe ajo ka shenja që mund të shihen tek poseduesi i saj. Profeti ﷺ ka thënë në një hadith autentik:
”Idhujtaria e fshehur; kur një burrë ngrihet për t’u falur dhe e zbukuron namazin e tij kur i sheh njerëzit që po e shikojnë atë.”
1 El-Kehf 18:110.
2 Muslimi (2985).
3 Ahmedi (11270) dhe Ibn Maxheh (4203). I mirë sipas Albanit në ”Sahih Sunnen Ibn Maxheh” (3389).
4 Bukhari (6499) dhe Muslimi (93).
- 25 Mars, 2016
- Comments are off
