4. Frika ndaj idhujtarisë

Autor: Imam Muhammed bin Abdil-Vehab (v. 1206)

Shpjegues i librit: Imam Abdul-Aziz bin Abdullah bin Baz (v. 1420)

Shejkh-ul-Islam Muhammed bin Abdil-Vehab (rahimehullah) ka thënë:

1 – Allahu (azze ue xhel) ka thënë:

إِنَّ اللّهَ لاَ يَغْفِرُ أَن يُشْرَكَ بِهِ وَيَغْفِرُ مَا دُونَ ذَلِكَ لِمَن يَشَاء

”S’ka dyshim se Allahu nuk fal (mëkatin) t’i përshkruhet Atij ortak (idhujtarinë), e përpos këtij (mëkati) i fal kujt të do.”1

2 – Ibrahimi ﷺ ka thënë:

وَاجْنُبْنِي وَبَنِيَّ أَن نَّعْبُدَ الأَصْنَامَ

”Dhe më largo e më ruaj mua dhe bijtë e mi nga adhurimi i idhujve.”2

3 – Profeti ﷺ ka thënë:

”Gjëja që frikësohem më së shumti për ju është idhujtaria e vogël.” Kur ai u pyet për të, ai tha: ”Syfaqësia.”3

4 – Ibn Mesudi (radijAllahu anhu) transmeton se i dërguari i Allahut ﷺ ka thënë:

”Ai që vdes duke adhuruar dikë karshi Allahut, do të hyjë në zjarr.” 4

Transmetuar nga el-Bukhari.

5 – Muslimi transmeton se Xhabiri (radijAllahu anhu) ka treguar se i dërguari i Allahut ﷺ ka thënë:

”Ai që e takon Allahun duke mos i shoqëruar Atij dikë në adhurim, do të hyjë në xhenet. Dhe ai që e takon Atë duke i shoqëruar dikë në adhurim, do të hyjë në zjarr.”5

Shpjegimi

Kapitulli ka të bëjë me frikën e detyrueshme nga idhujtaria. Besimtari është i obliguar që të ketë frikë nga idhujtaria dhe mëkatet. Ai duhet të qëndrojë larg prej tyre, dhe në veçanti nga idhujtaria. Ai nuk duhet të ndihet i sigurt ndaj saj.

Idhujtari, do të thotë që dikush tjetër pos Allahut të marrë pjesë nga adhurimi, pavarësisht se çfarë adhurimi është. Prandaj kjo quhet idhujtari. Adhurimi është e drejtë vetëm e Allahut. Më e rëndë se kjo është që t’i dedikohet i tërë adhurimi dikujt pos Allahut (azze ue xhel).

1 – Allahu (azze ue xhel) ka thënë:

إِنَّ اللّهَ لاَ يَغْفِرُ أَن يُشْرَكَ بِهِ وَيَغْفِرُ مَا دُونَ ذَلِكَ لِمَن يَشَاء

”S’ka dyshim se Allahu nuk fal (mëkatin) t’i përshkruhet Atij ortak (idhujtarinë), e përpos këtij (mëkati) i fal kujt të do.” 6

Këtu është qartësuar serioziteti dhe rreziku i idhujtarisë. Nëse një njeri vdes në një gjendje të tillë, atij nuk do t’i falet kjo. Ai do të qëndrojnë në xhehenem përgjithmonë. Kështu nuk është rasti me mëkatet e tjera, sepse kjo çështje është në dëshirën e Allahut, nëse Ai dëshiron ta dënojë personin dhe pastaj ta fusë atë në xhenet, ose nëse Ai dëshiron ta falë atë. Por kur vjen puna për idhujtarinë, thotë Allahu (te ala):

إِنَّهُ مَن يُشْرِكْ بِاللّهِ فَقَدْ حَرَّمَ اللّهُ عَلَيهِ الْجَنَّةَ وَمَأْوَاهُ النَّارُ

”Nuk ka dyshim se kushdo që i vë shok në adhurim Allahut, Allahu ia ka ndaluar (ia ka bërë haram) atij xhenetin dhe vendi i tij është zjarri. Për mizorët nuk ka ndihmës.” 7

2 – Ibrahimi ﷺ ka thënë:

وَاجْنُبْنِي وَبَنِيَّ أَن نَّعْبُدَ الأَصْنَامَ

”Dhe më largo e më ruaj mua dhe bijtë e mi nga adhurimi i idhujve.” 8

Aty gjendet rreziku i idhujtarisë. Zotëria i profetëve pas profetit tonë ﷺ kishte frikë prej idhujtarisë. Është e detyrueshme për të pasuar ata dhe të frikësohemi prej idhujtarisë më shumë se ata.

Statujat janë skulptura të gdhendura në formën e njeriut apo kafshëve. Ka lloje të ndryshme të idhujtarëve. Disa adhuronin statujat. Të tjerët adhuronin gjëra të tjera si pemët, detin, diellin dhe hënën. Ata të gjithë janë të bashkuar që t’ia dedikojnë adhurimin dikujt tjetër përveç Allahut (azze ue xhel). Një statujë gjithashtu mund të quhet ”idhull”.

3 – Profeti ﷺ ka thënë:

”Gjëja që frikësohem më së shumti për ju është idhujtaria e vogël.” Kur ai u pyet për të, ai tha: ”Syfaqësia.” 9

Ky hadith është transmetuar nga Ahmedi me një zinxhir të mirë transmetimi nëpërmjet Mahmud bin Lubejd nga profeti ﷺ. Hadithi është transmetuar edhe nga rrugë të tjera me zinxhirë të saktë të transmetimeve. Të gjitha ato dëshmojnë se është e detyrueshme për t’u ruajtur nga syfaqësia dhe se ajo është e rrezikshme. Ka njerëz të drejtë që bien në të. Ata mund të bien në syfaqësi kur falin namazin, japin zekatin, urdhërojnë për të mirë dhe ndalojnë nga e keqja. Profeti ﷺ ka thënë:

“Ai që dëshiron reputacion, Allahu do t’i jep atij reputacion, Ai që dëshiron që puna e tij të shihet, Allahu do ta bëjë që të shihet puna e tij (qëllimi i tij do të shihet në ditën e gjykimit).” 10

Vazhdimi i hadithit është:

”Allahu, në ditën e gjykimit, do t’u thotë njerëzve që ranë në syfaqësi: ”Shkoni tek ata të cilëve iu shtireshit dhe shikoni nëse ata kanë ndonjë shpërblim.” 11

Profeti ﷺ ka thënë:

”Allahu (te ala) ka thënë: ”Unë jam më i Vetëmjaftueshmi i Cili nuk ka nevojë për shoqërues. Ai që bën një vepër në të cilën ai e shoqëron dikë tjetër me Mua, Unë do ta braktis atë dhe idhujtarinë e tij.” 12

Transmetuar nga Muslimi. Prandaj është e detyrueshme për njerëzit që të adhurojnë vetëm Allahun të vetmin.

4 – Ibn Mesudi (radijAllahu anhu) transmeton se i dërguari i Allahut ﷺ ka thënë:

”Ai që vdes duke adhuruar dikë karshi Allahut, do të hyjë në zjarr.” 13

Transmetuar nga Bukhari.

D.m.th. ai që e adhuron dhe i kërkon ndihmë dikujt tjetër karshi Allahut. I tilli do të jetë në xhehenem përgjithmonë. Në një formulim thuhet se Ibn Mesudi ka thënë:

”Dhe ai që vdes pa e adhuruar dikë karshi Allahut, do të hyjë në xhenet.”

Kjo do të thotë, kushdo që vdes me Teuhid hyn në xhenet. Kjo dëshmon se ai që adhuron karshi Allahut, njerëz të devotshëm, profetë, pemë apo gurë hyn në xhehenem.

5 – Muslimi transmeton se Xhabiri (radijAllahu anhu) ka treguar se i dërguari i Allahut ﷺ ka thënë:

”Ai që e takon Allahun duke mos i shoqëruar Atij dikë në adhurim, do të hyjë në xhenet. Dhe ai që e takon Atë duke i shoqëruar dikë në adhurim, do të hyjë në zjarr.” 14

Këtu duket rreziku i idhujtarisë dhe se është e detyrueshme të kihet frikë prej saj, dhe të kihet kujdes që të mos bihet në të.

Në hadith obligohen dy gjëra:

1 – Ai që e takon Allahun pa i bërë Atij shirk, hyn në xhenet.

2 – Ai që e takon Atë duke qenë idhujtar, hyn në xhehenem. Prandaj, është përmendur në një formulim tjetër se i dërguari i Allahut ﷺ tha:

”A të mos ju tregoj në lidhje me dy gjëra obliguese?” Ata thanë: ”Po.” Ai tha: ”Ai që e takon Allahun ndërsa nuk ka adhuruar dikë karshi Tij, do të hyjë në xhenet. Dhe ai që e takon Atë ndërsa ka adhuruar dikë karshi Tij, hyn në zjarr.”

---

1 En-Nisa 4:48.

2 Ibrahim 14:35.

3 Ahmedi (23680). Autentik sipas Albanit në ”Sahih-ul-Xhami” (1555).

4 Bukhari (4497).

5 Bukhari (129) dhe Muslimi (93).

6 En-Nisa 4:48.

7 El-Maideh 5:72.

8 Ibrahim 14:35.

9 Ahmedi (23680). Autentik sipas Albanit në ”Sahih-ul-Xhami” (1555).

10 Bukhari (6499) dhe Muslimi (93).

11 Ahmedi (23680). Autentik sipas Albanit në ”Sahih-ul-Xhami” (1555).

12 Muslimi (2985).

13 Bukhari (4497).

14 Bukhari (129) dhe Muslimi (93).