7. Është prej idhujtarisë bartja e unazave, pejve dhe të ngjashme për t’i ikur ose shpëtuar të keqes

Autor: Imam Muhammed bin Abdil-Vehab (v. 1206)

Shpjegues i librit: Imam Abdul-Aziz bin Abdullah bin Baz (v. 1420)

Shejkh-ul-Islam Muhammed bin Abdil-Vehab (rahimehullah) ka thënë:

1 – Allahu (te ala) ka thënë:

قُلْ أَفَرَأَيْتُم مَّا تَدْعُونَ مِن دُونِ اللَّهِ إِنْ أَرَادَنِيَ اللَّهُ بِضُرٍّ هَلْ هُنَّ كَاشِفَاتُ ضُرِّهِ

Ti thuaju: ”Më tregoni pra, për ata që i adhuroni pos Allahut, nëse Allahu më godet mua me ndonjë të keqe, a mund ta largojnë ata atë të keqe.”1

2 – Imran bin Husejn (radijAllahu) anhu ka transmetuar se profeti ﷺ e pa një burrë që kishte një unazë prej bronzi në gishtin e tij. Ai tha: ”Çfarë është kjo?” Burri u përgjigj: ”Kjo është kundër sëmundjeve.” Profeti ﷺ i tha: ”Hiqe atë. Kjo vetëm se do të shkaktojë që të sëmuresh edhe më shumë. Në qoftë se vdes me të kurrë nuk do të shpëtosh.”

Transmetuar nga Ahmedi me një zinxhir të mirë të transmetimit. Ai transmetoi gjithashtu nga Ukbeh bin Amir (radijAllahu) se profeti ﷺ ka thënë:

3 –

”Ai që lidh një amulet (hajmali) Allahu nuk do t’ia plotësoj dëshirën e tij dhe ai që lidh një guacë Allahu nuk do t’i dhurojë rehati.”2

Në një formulim tjetër thuhet:

”Ai që lidh një hajmali ka bërë shirk.”3

4 – Ibn Ebi Hatimi ka transmetuar se Hudhejfe pa një burrë që kishte vënë një pe (fill leshi) në dorën e tij kundër etheve. Ai ia preu atë dhe lexoi:

وَمَا يُؤْمِنُ أَكْثَرُهُمْ بِاللّهِ إِلاَّ وَهُم مُّشْرِكُونَ

“Dhe shumica e tyre nuk e besojnë Allahun, veçse duke i bashkuar Atij shokë e ortakë si të barabartë me Të.”4

Shpjegimi

Ky kapitull nuk iu lexua Imam Bin Bazit (rahimehullah).

---

1 Ez-Zumer 39:38.
2 Ahmedi (17440), Ebu Jala (1759) dhe Tahavi (6660). I mirë sipas Shuajb Arnautit në ”Musned-ul-Imam Ahmed”.
3 Ahmedi (17458). Autentik sipas Albanit në ”Sahih-ul-Xhami” (11340).
4 Jusuf 12:106.