Aftësia e Allahut ka të bëj vetëm më gjërat e lejueshme për të ndodhur

Alameh Muhammed Aman Ibn Alij El-Xhami

Burimi: http://www.sahab.net/forums/index.php?showtopic=142406
Përgatiti: www.perlatmuslimane.com

Kur jemi tek aftësia e Allahut për të bërë diçka, duhet pasur parasysh gjërat që mund të ekzistojnë dhe gjërat që nuk mund të ekzistojnë. Kjo formë e shpjegimit ndoshta mund të jetë e panjohur për ata që janë në fillet e nxënies së dijes.

Mundësia e Allahut ka lidhje me disa gjëra, cilat janë ato gjëra me të cilat ka lidhje “Mundësia” e Allahut?

Gjërat (për nga mundësia e ekzistimit dhe mosekzistimit të tyre) ndahen në tri lloje: Të lejueshme, të domosdoshme dhe të pamundura.

1 – “Të lejueshme”, janë ato gjëra që mund të ndodhin dhe të mos ndodhin, gjithashtu këtu futen edhe gjërat që kanë ekzistuar pasi që nuk kanë qenë të tilla dhe më pas janë rikthyer në gjëra që prapë nuk ekzistojnë. Këto gjëra quhen “të lejueshme” (për nga aspekti i ekzistimit dhe mosekzistimit të tyre) apo të mundshme. I gjithë universi dhe çfarë ka në të është e lejueshme apo shprehur ndryshe e mundshme.

2 – “Të domosdoshme”, janë Allahu, Cilësitë dhe Emrat e Tij. Këto janë të padiskutueshme, që nuk paraprihen nga mos-ekzistenca dhe nuk zëvendësohen nga një jo -ekzistencë. Prandaj thuhet se ekzistenca e Allahut është e domosdoshme, sepse ajo nuk është paraprirë nga një jo-ekzistencë. Ekzistenca e Tij është e përjetshme (e pafillim dhe e pambarim). Kjo është domethënia e shpjegimit të disa nga Emrat e Allahut Te’ala që përmendën në hadithin e Profetit salallahu alejhi ue selem:

أنت الأوّل فليس قبلك شيء ، وأنت الآخِر فليس بعدك شيء

“Ti je i Pari të Cilit nuk i ka paraprirë askush, dhe Ti je i Fundit pas të Cilit nuk ka asnjë.”

Kjo është e domosdoshmja në lidhje me këtë gjë; pra, ekzistencë e domosdoshme, e përhershme dhe e pafund.

3 – “Të pamundura”, janë ato që nuk ekzistojnë. Ajo që është e pamundshme të ekzistojë nuk i përket Allahut që ta krijojë. Kjo, jo për shkak se Allahu nuk mundet apo nuk është i aftë ta bëj, por që aftësia e Tij për të bërë nuk është e lidhur me të pamundurën për të qenë. Allahu nuk krijon diçka që në parim është e pamundshme për të qenë. Kjo pikë është shumë e rëndësishme.

Dikush nga pasuesit e mendjes që debaton në lidhje me Cilësitë e Allahut që janë konfirmuar në Kuran dhe Sunnet, mund të të shtroj pyetjen: “A mundet Allahu që të krijojë për Veten e Tij shoqërues, të krijoj për Veten e Tij grua apo fëmijë?” Kështu mund të të pyet –ashtu siç ndodhi nga një i tillë para ca ditësh! Thuhet se çdo pyetje ka një përgjigje. Ti duhet të jesh i përgatitur për tu përgjigjur, ngase po jetojmë në një kohë ku e vërteta është përzier me të kotën, janë shtuar devijimet edhe pse ato i mvishen islamit. Janë shtuar njerëzit që në realitet s’janë myslimanë por që i atribuohen islamit. Ata që bëjnë pyetje të tilla, ose janë jobesimtarë, ose janë aq afër mosbesimit saqë nga zemrat e tyre ka dalë të madhëruarit e Allahut.

Përgjigja është: ‘Aftësia e Allahut për të vepruar nuk ka të bëj me gjërat e pamundshme për të ekzistuar. Ndërsa themi që, Allahu Subhanehu ue Te’ala është i aftë për të bërë çdo gjë’.

Nëse analizojmë fjalën “diçka (çdo gjë)” sipas parimeve të skolastikëve (pasuesve të mendjes) e shohim se ajo nuk ka të bëjë me ‘të pamundshmen’. Allahu është i aftë për të bërë gjithçka. Gjërat që nuk ekzistojnë (sepse nuk mund të ekzistojnë) që janë të pamundshme për të ekzistuar, nuk mund të konsiderohen si “diçka”. Pra, aftësia e Allahut nuk ka të bëj me këtë fushë, sepse Allahu është i Gjithëdijëshëm dhe i Urtë. Allahu është më i Lartë sesa t’i takoj aftësisë së Tij që të ketë lidhje me gjërat e pamundshme për të qenë dhe t’i krijoj ato. Kjo që po e themi, nuk ndodh për shkak se Allahu nuk ka mundësi t’i krijoj. Ti e ke obligim që të konfirmosh dhe të pohosh se Allahu ka fuqi, është i aftë-ka mundësi që të krijoj e të veproj çdo gjë, dhe të njëjtën kohë e ke për obligim që të konfirmosh dhe të pohosh se Allahu nuk ka të bëj me atë që nuk i përket Atij. Pra, Allahu Subhanehu ue Te’ala nuk i bën këto gjëra për shkak se ato nuk i përshtaten Madhërisë së Tij. E që sipas skolastikëve quhen “të pamundshme”. Por, aftësia e Allahut për të vepruar  nuk ka të bëj me “të pamundshmet” për të ekzistuar, apo me “të domosdoshmet”, por ka të bëj me “të mundshmet”.