Gjykimi për marrjen dhe dhënien e gjërave me dorën e majtë

Burimi: “Komisioni i Përhershëm për Kërkime  dhe Fetva”, nr. 20961.

Përgatiti: www.perlatmuslimane.com

Pyetje: Çfarë është gjykimi për marrjen dhe dhënien e gjërave me dorën e majtë, a kjo është haram (e ndaluar) apo mekruh (e urryer)?

Përgjigje: Sipas transmetimeve autentike, është e ndaluar të japësh dhe të marrësh gjëra me dorën e majtë. Ebu Hurejra (Allahu qoftë i kënaqur me të) ka thënë se Profeti (sal Allahu alejhi ue selem) ka thënë:

”Duhet ngrënë me dorën e djathtë, duhet pirë me dorën e djathtë, duhet marrë me dorën e djathtë dhe duhet dhënë me dorën e djathtë, sepse shejtani ha me dorën e majtë, pi me dorën e majtë, jep me dorën e majtë, dhe merr me dorën e majtë.” (Ahmedi dhe Ibën Maxhe).