Imam Muhammed el-Amin esh-Shenkiti (v. 1393)
Burimi: Adhua-ul-Bejan (2/125
Përktheu: Valdet Gashi
www.perlatmuslimane.com
Allahu (Tabarak ue Te ala) ka thënë:
وَهُوَ الَّذِي سَخَّرَ الْبَحْرَ لِتَأْكُلُواْ مِنْهُ لَحْمًا طَرِيًّا وَتَسْتَخْرِجُواْ مِنْهُ حِلْيَةً تَلْبَسُونَهَا وَتَرَى الْفُلْكَ مَوَاخِرَ فِيهِ وَلِتَبْتَغُواْ مِن فَضْلِهِ وَلَعَلَّكُمْ تَشْكُرُونَ
“Pastaj, Ai është që nënshtroi detin për ju, që prej tij të hani mish të freskët, e prej tij të nxirrni stoli që i mbani (i vishni), e i sheh anijet si çajnë (lundrojnë) në të (me ushtimë e çajnë ujin në det). Ua nënshtroi që të shfrytëzoni nga begatitë e Tij dhe ashtu të falënderoni (Zotin).” 1
Në këtë ajet Allahu përmend katër begati të detit që ua ka dhuruar njerëzve, duke ua nënshtruar detin:
1 – Fjalët e tij:
لِتَأْكُلُواْ مِنْهُ لَحْمًا طَرِيًّا
“…që prej tij të hani mish të freskët.2
Kjo begati është përmendur disa herë në Kuran, duke përfshirë ajetin:
أُحِلَّ لَكُمْ صَيْدُ الْبَحْرِ وَطَعَامُهُ مَتَاعًا لَّكُمْ وَلِلسَّيَّارَةِ
“Gjahu dhe ushqimi në det u është lejuar, si ushqim për ju dhe për udhëtarët.”
وَمِن كُلٍّ تَأْكُلُونَ لَحْمًا طَرِيًّا
“E prej secilit ju hani mish të freskët.”3
2 – Ai tha:
وَتَسْتَخْرِجُواْ مِنْهُ حِلْيَةً تَلْبَسُونَهَا
“… dhe prej tij nxirrni stoli me të cilat stoliseni.”
Edhe kjo begati përsëritet në Kuran, duke përfshirë ajetin:
يَخْرُجُ مِنْهُمَا اللُّؤْلُؤُ وَالْمَرْجَانُ فَبِأَيِّ آلَاء رَبِّكُمَا تُكَذِّبَانِ
“Prej atyre të dyve (deteve) nxirren margaritarë e korale. E, cilën të mirë të Zotit tuaj po e mohoni?” 4
Perlat dhe koralet përdoren në stoli. Ai gjithashtu ka thënë:
وَتَسْتَخْرِجُونَ حِلْيَةً تَلْبَسُونَهَا
“Dhe prej të dyve ju mund të nxirrni gjëra me të cilat stoliseni.” 5
3 – Ai (Te ala) tha:
وَتَرَى الْفُلْكَ مَوَاخِرَ فِيهِ
“E i sheh anijet se si çajnë ujin.”
Begatia e anijeve që udhëtojnë në det është përmendur disa herë në Kuran:
وَخَلَقْنَا لَهُم مِّن مِّثْلِهِ مَا يَرْكَبُونَ وَإِن نَّشَأْ نُغْرِقْهُمْ فَلَا صَرِيخَ لَهُمْ وَلَا هُمْ يُنقَذُونَ
“…dhe Ne kemi krijuar po si ajo për ta, të cilat i ngasin e udhëtojnë. Dhe po të donim Ne do ti përmbytim ata, e nuk ka efekt as lutja e tyre dhe as që do të shpëtonin.”6
وَسَخَّرَ لَكُمُ الْفُلْكَ لِتَجْرِيَ فِي الْبَحْرِ بِأَمْرِهِ وَسَخَّرَ لَكُمُ الأَنْهَارَ
“Ai i Cili i ka bërë anijet të jenë të nënshtruara ndaj jush që të mund të lundrojnë nëpër det me lejen dhe vullnetin e Tij, po kështu Ai ka bërë edhe lumenjtë të jenë të nënshtruar e në shërbimin tuaj.”7
4 – Kërkimi i mirësive të Allahut me anë të tregtisë me anë të anijeve:
وَلِتَبْتَغُواْ مِن فَضْلِهِ
“…dhe me to mund të kërkoni mirësitë e Tij…”
Shembuj të kësaj mirësie janë fitimi në shitblerje.
1 16:14
2 5:96
3 35:12
4 55:22-23
5 35:12
6 36:42-43
7 14:32