Katër kategori njerëzish kur dëshmohet hyrja e Ramazanit

Imam Salih bin Feuzan el-Feuzan 

Burimi: http://www.alfawzan.af.org.sa/sites/default/files/k-03-09-1435-01_0.mp3

Përktheu: Valdet Gashi

www.perlatmuslimane.com

Allahu (azze ue xhel) ka thënë

فَمَن شَهِدَ مِنكُمُ الشَّهْرَ فَلْيَصُمْهُ

”E kush e kush prej jush dëshmon muajin (për hyrjen e muajit) le të agjërojë.” 1

Ka katër grupe në fjalë:

1 – Ata që janë të shëndetshëm dhe në qytetin e tyre. Ata duhet ta agjërojnë muajin. Atyre nuk u lejohet ta braktisin agjërimin nëse nuk kanë një arsye të vlefshme në Sheriat.

2 – Ai që udhëton gjatë muajit. Ky nuk agjëron gjatë udhëtimit dhe i kompenson ditët pas udhëtimit. Kur vështirësitë e udhëtimit bashkohen me vështirësitë e agjërimit Allahu ia lehtëson udhëtarit. Prandaj Allahu e lejon atë që të mos agjërojë gjatë udhëtimit me kusht që ai ti kompensojë ditët më pas.

3 – I sëmuri i cili bezdiset nga agjërimi. I sëmuri përjeton mundimin e agjërimit dhe mundimin e sëmundjes. Prandaj Allahu ia lehtësojë atij dhe e lejon që mos agjërojë. Pasi që Allahu (azze ue xhel) e shëron atë ai kompenson ditët e humbura.

4 – Ai që është i sëmurë kur fillon Ramazani dhe nuk është në gjendje ta agjërojë atë për momentin ose në të ardhmen. I tillë është rasti me të sëmurin kronik i cili nuk mund të agjërojë dhe nuk shpreson se do të shërohet, si dhe plaku që është ka vetëdijen por nuk është në gjendje të agjërojë për tani apo në të ardhmen. Këta dy persona janë të obliguar që për çdo ditë ta ushqejnë një person të varfër me ushqim. Ushqimi i të varfëritë e zëvendëson agjërimin:

وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ

”E ata që i rëndon ai (nuk mund të agjërojnë), janë të obliguar për kompensim, ushqim (ditor), i një të varfëri.” 2

Kjo zgjedhje është që ta ushqesh një person të varfër me ushqim për çdo ditë të agjërimit. Çdo ditë atij duhet ti jepet 1 kg e gjysmë ushqim. Kjo e zëvendëson agjërimin e tyre. Ky është një lehtësim nga Allahu (subhanehu ue te ala) për robërit. Ai kujdeset për ta dhe i kursen nga vështirësitë.

---

1 2:185

2 2:184