Mos urrej të të lind vajzë

Imam Ibn Kajim el-Xheuzijeh (v. 751)

Burimi: “Tuhfetul-Meudud bi Ahkamil-Meulud” 30-31

Përgatiti: www.perlatmuslimane.com

Transmetohet nga ‘Ukbeh bin ‘Amir el-Xhuhenij se, i dërguari i Allahut salAllahu alejhi ue selem ka thënë:

من كان له ثلاث بنات فصبر عليهن ، فأطعمهن و سقاهن و كساهن جدته ، كن له حجابا من النار

“Kush i ka tri vajza, duron ndaj tyre dhe kujdeset për ushqimin, pijen dhe veshmbathjen e tyre, veçse do të jenë për të mburojë nga Zjarri.” [1]

Dhe, thotë Allahu Te’ala në lidhje me gratë:

فَإِن كَرِهْتُمُوهُنَّ فَعَسَى أَن تَكْرَهُواْ شَيْئًا وَيَجْعَلَ اللّهُ فِيهِ خَيْرًا كَثِيراً

“Në qoftë se ato nuk ju pëlqejnë aq shumë, (duroni!) sepse është e mundur që juve të mos ju pëlqejë diçka, por që Allahu në atë do t’ju sjellë shumë të mira.”4:19

E njëjta gjë është edhe tek vajzat, ku, nga to njeriu mund të ketë mirësi të shumta në dynja dhe ahiret. Mjafton në urrejtjen e tyre që, njeriu të urrej atë që Allahu i ka dhuruar atij dhe është i kënaqur me të!

Salih bin Ahmed ka thënë: “Kur babait tim i lindte ndonjë vajzë, thoshte: “Me të vërtetë profetët ishin baballarë të vajzave.” Gjithashtu, thoshte: “Në vajzat ka mirësi të shumta, siç edhe është cekur nëpër hadithe”.

Ndërsa, Ja’kub bin Bukhtan ka thënë: “Më kanë lindur shtatë vajza dhe, çdoherë kur më lindte një vajzë, shkoja tek Ahmed bin Hanbeli i cili më thoshte: “O Ebu Jusuf! Me të vërtetë profetët ishin baballarë të vajzave.” Kështu me fjalët e tij më ngushëllonte mua!”

_____________________________

[1] Shejkh Albani thotë se, hadithi është autentik. Shih “Silsiletul-Ehadithis-Sahihah (294)”.