Qëndrimi ynë ndaj imazheve satire në Francë

Alameh Abdul-Aziz bin Abdil-lah er-Raxhihi

Burimi: https://soundcloud.com/abduaziz-alrajhi/gdzccdotlhei

Përktheu: Valdet Gashi

www.perlatmuslimane.com

Pyetje: A mund të thoni diçka në lidhje me mënyrën se si profeti (salAllahu alejhi ue selem) duhet nderuar duke pasur parasyshë armiqtë e fesë që e fyejnë dhe e përfolin atë?

Përgjigje: Allahu (Subhanehu ue Te ala) ka zgjedhur profetët dhe të dërguarit mbi të gjithë njerëzit e tjerë. Ai i dërgoi ata për të udhëzuar njerëzit, për ti shpëtuar ata nga errësira e idhujtarisë dhe e mosbesimit dhe që ti furnizojë ata me besim, dituri dhe bindje. Allahu (Te ala) ka thënë:

كَانَ النَّاسُ أُمَّةً وَاحِدَةً فَبَعَثَ اللّهُ النَّبِيِّينَ مُبَشِّرِينَ وَمُنذِرِينَ وَأَنزَلَ مَعَهُمُ الْكِتَابَ بِالْحَقِّ لِيَحْكُمَ بَيْنَ النَّاسِ فِيمَا اخْتَلَفُواْ فِيهِ وَمَا اخْتَلَفَ فِيهِ إِلاَّ الَّذِينَ أُوتُوهُ مِن بَعْدِ مَا جَاءتْهُمُ الْبَيِّنَاتُ بَغْيًا بَيْنَهُمْ فَهَدَى اللّهُ الَّذِينَ آمَنُواْ لِمَا اخْتَلَفُواْ فِيهِ مِنَ الْحَقِّ بِإِذْنِهِ وَاللّهُ يَهْدِي مَن يَشَاء إِلَى صِرَاطٍ مُّسْتَقِيمٍ

”Njerëzit ishin një popull (të fesë së natyrshme Islame) e (kur u përçanë) Allahu dërgoi profetët përgëzues dhe qortues, dhe atyre Ai u zbriti edhe librin me fakte të sakta për të gjykuar në atë që u kundërshtuan ndërmjet veti. Në atë (libër) kundërshtuan vetëm ata që kishin libër (ithtarët e librit). E përpos atyre që iu kishte dhënë ai (libri) dhe u kishin ardhur argumente të qarta, nuk kundërshtoi kush në te (në librin), po edhe atë (kundërshtim e bënë), nga zilia ndërmjet tyre, mirëpo Allahu me mëshirën e Tij i udhëzoi ata që besuan tek e vërteta e asaj për çka ishin kundërshtuar. Allahu e vë në rrugë të drejtë atë që dëshiron.” 1

Allahu (Subhanehu ue Te) ala i dha besimtarëve një dhuratë të madhe, kur Ai ia dërgoi Muhammedin (salAllahu alejhi ue selem) atyre. Allahu e dërgoi atë pas të dërguarve për të pastruar shpirtrat e besimtarëve dhe për tu´a mësuar atyre Librin dhe Sunnetin:

لَقَدْ مَنَّ اللّهُ عَلَى الْمُؤمِنِينَ إِذْ بَعَثَ فِيهِمْ رَسُولاً مِّنْ أَنفُسِهِمْ يَتْلُو عَلَيْهِمْ آيَاتِهِ وَيُزَكِّيهِمْ وَيُعَلِّمُهُمُ الْكِتَابَ وَالْحِكْمَةَ وَإِن كَانُواْ مِن قَبْلُ لَفِي ضَلالٍ مُّبِينٍ

”Është e vërtetë se Allahu u dha dhuratë të madhe besimtarëve, kur ndër ta nga mesi i tyre dërgoi të dërguar që atyre t’u lexojë shpalljen e Tij, t’i pastrojë ata, t’ua mësojë Kur’anin dhe sheriatin, edhe pse, më parë ata ishin krejtësisht të humbur.” 2

Allahu (subhanehu ue te ala) e ka nderuar emrin e profetit (salAllahu alejhi ue selem) dhe ka lejuar që emri i tij të përmendet me emrin e Tij gjatë ezanit, teshehudit, konvertimit në Islam, në namaz, pas abdesit dhe ndryshe. Allahu pra e ka nderuar emrin e profetit (salAllahu alejhi ue selem).

Allahu (te ala) ka thënë:

أَلَمْ نَشْرَحْ لَكَ صَدْرَكَ وَوَضَعْنَا عَنكَ وِزْرَكَ الَّذِي أَنقَضَ ظَهْرَكَ وَرَفَعْنَا لَكَ ذِكْرَكَ

”A nuk ta hapëm Ne gjoksin tënd? Dhe Ne hoqëm prej teje barrën tënde, e cila shtypte shpinën tënde. Dhe Ne, ta ngritëm lart famën tënde?” 3

Pra emri i tij (salAllahu alejhi ue selem) është i nderuar. Gjithë besimtarët e dinë se ai duhet të nderohet dhe të respektohet.

Allahu (Te ala) ka thënë:

لِتُؤْمِنُوا بِاللَّهِ وَرَسُولِهِ وَتُعَزِّرُوهُ وَتُوَقِّرُوهُ وَتُسَبِّحُوهُ بُكْرَةً وَأَصِيلًا

”Që ju (njerëz) t’i besoni Allahut dhe të Dërguarit të Tij dhe atë ta përkrahni e ta respektoni, e (Allahun) ta madhëroni për çdo mëngjes e mbrëmje.” 4

Të gjithë besimtarët duhet ta mbështesin dhe ta nderojnë atë. Besimtarët e nderojnë Sunnetin e tij (salAllahu alejhi ue selem) dhe i përmbahen fjalëve dhe veprimeve të tij:

لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِّمَن كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيرًا

”Ju e kishit shembullin më të lartë në të dërguarin e Allahut, për atë që shpreson në takimin me Allahun dhe në Ditën e Fundit dhe që e kujton Allahun shumë.” 5

Sa për mizoritë e armikut, megjithatë ata janë armiq. Nuk është çudi që ata veprojnë kështu. Sepse ata janë armiq. Nuk ka asnjë mëkat që është më i keq se mosbesimi. Ata e fyen Allahun dhe të dërguarin e Tij. Ata nuk e besojnë Allahun dhe të dërguarit të Tij. Allahu thotë për jehudët dhe të krishterët të cilët pretendojnë se ata besojnë në Allahun se ata fare nuk e besojnë Atë. Sepse ata nuk besojnë në të dërguarin e Tij.

Allahu (Subhaneh) ka thënë:

قَاتِلُواْ الَّذِينَ لاَ يُؤْمِنُونَ بِاللّهِ وَلاَ بِالْيَوْمِ الآخِرِ وَلاَ يُحَرِّمُونَ مَا حَرَّمَ اللّهُ وَرَسُولُهُ وَلاَ يَدِينُونَ دِينَ الْحَقِّ مِنَ الَّذِينَ أُوتُواْ الْكِتَابَ حَتَّى يُعْطُواْ الْجِزْيَةَ عَن يَدٍ وَهُمْ صَاغِرُونَ

”Luftoni ata që nuk besojnë Allahun e as botën tjetër, nuk e konsiderojnë të ndaluar (haram) atë që e ndaloi Allahu dhe i dërguari i Tij, nuk besojnë fenë e vërtetë, prej atyre të cilëve u është dhënë libri, derisa ta japin xhizjen në dorë e duke qenë të mposhtur.” 6

Edhe pse atyre u janë dhënë libra, Ai thotë se ata nuk besojnë në Allahun. Besimi i tyre nuk u bën dobi. Nuk është e saktë që të dëshmohet se askush nuk meriton të adhurohet me të drejtë përveç Allahut nëse nuk dëshmon se Muhammedi është i dërguari i Allahut. Dhe nuk është e saktë që të dëshmosh se Muhammedi është i dërguari i Allahut, se askush nuk meriton të adhurohet me të drejtë përveç Allahut. Nuk është e mundur për ti ndarë këto. Prandaj, nuk është çudi që kufarët veprojnë kështu.

Nuk lejohet përhapja e imazheve satire. Në vend të kësaj, këta kufarë duhet të bojkotohen. Përveç kësaj, duhet pasuar Kuranin dhe Sunnetin. Mizoritë e kufarëve duhet ti shtyjnë mslimanët në përgjithësi dhe të rinjtë në veçanti, që ti kushtojnë rëndësi edhe më shumë Kuranit dhe Sunnetit, të studiojnë Sunnetin dhe biografinë e profetit (salAllahu alejhi ue selem) dhe të pasojnë metodologjinë e tij. Ndërsa këta kufarë nuk duhet të fyhen. Në vend të kësaj, ata duhen dënuar dhe bojkotuar. Bojkoti i mëparshëm kishte një ndikim të madh. Ata duhet të bojkotohen ekonomikisht dhe kulturalisht. Ata duhet të bojkotohen. Asnjë biznes nuk duhet të bëhet me kompanitë që qëndrojnë pas këtyre imazheve satire. Kur bojkoti më parë u shpall dhe hyri në fuqi, bizneset vuajten humbje të madhe dhe ata u lutën që bojkoti të shfuqizohet dhe ishin madje të gatshëm edhe të paguajnë dëmshpërblim. Kjo dëshmon se bojkoti ndikon. Kompanitë që përhapin këto imazhe satire duhet të bojkotohen ekonomikisht. Përveç kësaj, sikurse thashë duhet pasuar Sunnetin e profetit (salAllahu alejhi ue selem), duhet studiuar biografinë e tij, duhet aplikuar Kuranin dhe Sunnetin, duhet thirrur në fenë e Allahut, duhet kërkuar dituri dhe duhet ti mësohet ajo të tjerëve në këmbim të imazheve të paganëve.

Lusim Allahun që ta forcojë Islamin dhe muslimanët, të poshtërojë idhujtarinë dhe idhujtarët, dhe ti udhëzojë të rinjtë në dituri të dobishme dhe në vepra të dretja përgjatë Kuranit dhe Sunnetit.

---

1 El-Bekare 2:213

2 Al-Imran 3:164

3 El-Inshirah 94:1-4

4 El-Fet’h 48:9

5 El-Ahzab 33:21

6 Teube 9:29