Ushqimi, pija dhe gjumi gjatë Ramazanit

Imam Salih bin Feuzan el-Feuzan 

Burimi: http://www.alfawzan.af.org.sa/node/%205824

 www.perlatmuslimane.com

Prej etiketave të ushqimit dhe pijes është që të mos e mbush barkun shumë dhe në veçanti agjëruesi. Ai nuk duhet të ha e të pi shumë në mënyrë që ta mbush barkun dhe pastaj kjo bëhet pengesë për të që ta adhuroj Allahun siç duhet, veçanërisht në Ramazan. Ushqimi dhe pija e tepërt e vështirësojnë adhurimin. Kjo (mbushja e barkut) e bën njeriun përtac kur vjen puna për adhurim. Njeriu duhet të hajë e të pijë vetëm aq sa i mjafton për ta forcuar dhe ta adhuroj Allahun. Kjo vlen edhe jashtë Ramazanit. Profeti ﷺ ka thënë:

ما ملأ آدمي وعاء شرا من بطنه بحسب ابن آدم لقيمات يقمن صلبه، فإن كان لا محالة فاعلا، فثلث لطعامه، وثلث لشرابه، وثلث لنفسه

“Nuk mbush njeriu enë më të keqe sesa barkun e tij! I mjaftojnë birit të Ademit disa kafshata me të cilat do ta mbajë shpinën e tij. E nëse patjetër dëshiron të shtojë, atëherë le të ndajë një të tretën për ushqim, një të tretën për pije dhe një të tretën për frymëmarrje.”

Do të thotë një sasi e vogël që ta mbaj shpirtin gjallë. Njeriu duhet të jetë mesatar, i arsyeshëm për nga aspekti sheriatik dhe natytal. Njeriu nuk duhet të jetë sikurse kafshë që vetëm i intereson të hajë e të pijë. E njëjta gjë vlen edhe për gjumin. Kjo shkakton që njeriu të humbas begati të shumta në dynja e ahiret.

Ushqimi i pakët është gjithashtu i dobishëm edhe për nga aspekti shëndetësor. Ashtu sikurse i bën dobi adhurimit, gjithashtu i bën dobi edhe shëndetit. Shumica e sëmundjeve janë shkak i ushqimit dhe pijeve të shumta, apo edhe përzierja e ushqimeve të ndryshme. Prandaj, thuhet se një racion ngrënieje mund të parandaloj racione ngrënieje në të ardhmen. Njeriu duhet të jetë mesatar dhe i balancuar. Allahu (xhela ue ala) ka thënë:

وكُلُواْ وَاشْرَبُواْ وَلاَ تُسْرِفُواْ إِنَّهُ لاَ يُحِبُّ الْمُسْرِفِينَ

“Hani e pini, por mos e teproni, se Ai nuk i do ata që e teprojnë.” 7:31

Dhe thotë Allahu:

وَالَّذِينَ إِذَا أَنفَقُوا لَمْ يُسْرِفُوا وَلَمْ يَقْتُرُوا وَكَانَ بَيْنَ ذَلِكَ قَوَامًا

“Dhe ata që, kur shpenzojnë, nuk janë as dorëshpuar, as dorështrënguar, por i përmbahen të mesmes.” 25:67

Ushqimi, pija, gjumi dhe çdo gjë tjetër duhet të jetë mesatarë dhe në masë të caktuar. Çdo gjë ka limitet dhe peshoren e vet. Kur ato tejkalohen ato e dëmtojnë njeriun.