Imam Muhamed bin Muhamed El-Hanbeli El-Menbaxhi
Teslijetu Ehlil-Mesaib
Përktheu: Valdet Gashi
www.perlatmuslimane.com
Allahu -te ala- ka thënë:
“Kushdo që i bindet Allahut dhe të dërguarit, do të jetë me ata të cilëve Allahu u ka dhënë shumë dhunti: me profetët, me të sinqertët, me dëshmorët dhe me të drejtët! Eh sa shokë të mrekullueshëm janë këta!” En-Nisa, 4:69
Katadeh ka thënë:
“Disa nga sahabët e të dërguarit të Allahut ﷺ i thanë atij: “Si do të jetë në xhenet kur ti je në nivelin më të lartë? Ne do të jem nën ty? Si do të shohim ty atëherë?” Atëherë Allahu -te ala- e shpalli këtë ajet:
“Kushdo që i bindet Allahut…”
Do të thotë veprat e obliguara.
”… dhe të dërguarit…”
Do të thotë veprat nafile:
“do të jetë me ata të cilëve Allahu u ka dhënë shumë dhunti: me profetët…”
Do të thotë së ata do të shohin profetët dhe do të ulen me ta. Profetët kanë nivelet më të larta tek njerëzit. Pas kësaj, vijnë të sinqertit, dëshmorët dhe të devotshmit. Nuk ka asnjë dyshim në lidhje me këtë renditje. Allahu -te ala- i ka përmendur ata me rend dhe filloi me profetët, pastaj ata që vijnë pas tyre dhe kështu me radhë.