Xhinët dhe njerëzit i kam krijuar vetëm që të Më adhurojnë. [Edh-Dharijat 51:56]

13.Lutja në fillim të namazit

Shejkhul Islam Ibnu Tejmijeh (v. 728)
Sahihul-Kelimit-Tajjib
Verifikoi dhe korrigjoi: Imam Muhamed Nasirudin el-Albani
Përktheu: Valdet Gashi
www.perlatmuslimane.com

61 – Ebu Hurejra (radijAllahu anhu) ka thënë:

كان رسول الله صلى الله عليه وسلم، إِذَا اسْتَفْتَحَ الصَّلاَةَ سَكَتَ هُنَيْهَةً قَبْلَ أَنْ يَقْرَأَ فَقُلْتُ: يَا رَسُولَ اللهِ بِأَبِي وَأُمِّي أَرأَيْتَ سُكُوتَكَ بَيْنَ التَّكْبِيرِ والْقِرَاءَةِ ما تَقُولُ؟ قَالَ: أَقُولُ: “اللَّهُمَّ بَاعِدْ بَيْنِي وَبَيْنَ خَطَايَايَ كَمَا باعَدْتَ بَيْنَ الْمَشْرِقِ والْمَغْرِبِ اللَّهُمَّ نَقِّنِي مِنْ خَطَايَايَ كَمَا يُنَقَّى الثَّوْبُ الأَبْيَضُ مِن الدَّنَسِ اللَّهُمَّ اغْسِلْنِي مِنْ خَطَايَايَ بالثَّلْجِ والْمَاءِ والْبَرَدِ

“Pasi që i dërguari i Allahut ﷺ fillonte namazin, e kishte zakon të qëndronte i heshtur për ca kohë, para se të fillonte të lexojë. Ndërsa unë i thash: O i dërguari i Allahut! Qofshin të flijuar babai dhe nëna ime për ty! Çfarë thua kur hesht në mes të tekbirit fillestar dhe leximit?” Ai tha: “Unë them: “O Zoti im, më largo mua nga mëkatet e mia, ashtu siç e ke larguar Lindjen nga Perëndimi. O Zoti im, më pastro mua prej mëkateve të mia, ashtu sikur pastrohet rroba e bardhë nga njollat. O Zoti im, më pastro mua prej mëkateve të mia me ujë, borë dhe akull”.”

Transmeton Bukhari dhe Muslimi.

62 – Xhubejr bin Mut’im (radijAllahu anhu) ka treguar se ai e ka dëgjuar të dërguarin e Allahut duke thënë në namaz:

الله أَكْبَرُ كَبِيراً والْحَمْدُ للهِ كَثِيراً وَسُبْحَانَ اللهِ بُكْرَةً وَأَصِيلاً- ثَلاثاً- أَعُوذُ باللهِ مِنَ الشَّيْطَانِ الرَّجِيم منْ نَفْخِهِ وَنَفْثِهِ وَهَمْزِهِ

“Allahu është më i Madhi, falënderimi i shumtë i takon Allahut, i Lartësuar qoftë Allahu në mëngjes dhe mbrëmje. (3 herë) Kërkojë mbrojtjen e Allahut prej shejtanit të mallkuar nga arroganca e tij, nga pështyrjeve të tij dhe çmenduria e tij.”

Transmeton Ebu Daudi. Hadithi është autentik.

63 – Aishah (radijAllahu anha), Ebu Said el-Khudri (radijAllahu anhu) dhe të tjerët transmetojnë se profeti e kishte zakon të thoshte kur fillonte namazin:

سُبْحَانَكَ اللَّهُمَّ وَبِحَمْدِكَ وتَبَارَكَ اسْمُكَ وَتَعَالى جَدُّكَ وَلا إِله غَيْرُكَ

“I Lartësuar je Ti, o Allahu im dhe falënderimi e lavdërimi të takon Ty. I Lartësuar qoftë emri yt dhe e Lartësuar qoftë Madhëria Jote. Nuk ka të adhuruar tjetër përveç Teje.”

Transmetohet nga të katërt. Hadithi është autentik.

64 – Transmetohet nga Umeri (radijAllahu anhu) se ai e kishte zakon të bënte tekbir e pastaj thoshte lutjen me të cilën fillohet namazi.

65 – I dërguari i Allahut e kishte zakon të thotë kur fillonte namazin:

وَجَّهْتُ وَجْهِي للَّذِي فَطرَ السَّمَواتِ والأَرْضَ حَنيفاً وَما أَنا مِنَ الْمُشْرِكِينَ إِنَّ صَلاَتِي وَنُسُكِي وَمَحْيَايَ وَمَمَاتِي للهِ رَبِّ الْعَالَمِينَ لاَ شَرِيكَ لَهُ وَبِذَلِكَ أُمِرْتُ وَأَنَا مِنَ الْمُسْلِمِينَ اللَّهُمَّ أَنْتَ الْمَلِكُ لاَ إِلهَ إِلاَّ أَنْتَ رَبِّي وَأَنَا عَبْدُكَ ظَلَمْتُ نَفْسِي واعْتَرَفْتُ بِذَنْبِي فَاغْفِرْ لِي ذُنُوبِي جَمِيعاً فإِنَّهُ لاَ يَغْفِرُ الذُّنُوبَ إِلاَّ أَنْتَ واهْدِنِي لأَحْسَنَ الأَخْلاَقِ لاَ يَهْدِي لأَحْسَنِهَا إِلاَّ أَنْتَ واصْرِفْ عَنِّي سَيِّئَها لاَ يَصْرِفُ عَني سَيِّئَهَا إِلاَّ أَنْتَ لَبَّيْك وَسَعْدَيْكَ والْخَيْرُ كُلُّهُ في يَدَيْكَ وَالشَّرُّ لَيْسَ إِلَيْكَ أَنا بِكَ وإِلَيْكَ تَبَارَكْتَ وَتَعَالَيْتَ أَسْتَغْفِرُكَ وأَتُوبُ إِلَيْكَ

“E ktheva fytyrën time sinqerisht tek Ai i Cili ka krijuar qiejt dhe tokën, dhe unë nuk jam prej idhujtarëve. Me të vërtetë namazi im kurbani im, jeta dhe vdekja ime i përkasin vetëm Allahut, Zotit të botëve. Ai që nuk ka ortak, në këtë unë jam i urdhëruar dhe unë jam prej myslimanëve. O Allah! Ti jeni Sundimtari. Nuk ka zot të vërtet përveç Teje. Ti je Zoti im dhe unë jam robi Yt. Unë i kam bërë padrejtësi vetes time dhe unë i pranoj mëkatet e mia, prandaj m’i fal të gjitha mëkatet, sepse askush pos Teje nuk falë mëkate. Më udhëzo mua në moralin më të mirë, sepse askush pos Teje nuk udhëzon në të. Largoje nga unë sjelljen e keqe, sepse askush pos Teje nuk e largon atë. Të përgjigjem Ty dhe me këtë jam i lumtur. Çdo mirësi është në Dorën Tënde. E keqja nuk të përket Ty (nuk ka vend tek Ti). Me Ty mbrohem dhe tek Ti kthehem. Ti je i Lavdëruar dhe i Lartësuar, kërkojë falje nga Ti dhe tek Ti pendohem.”

Transmeton Muslimi.

66 – Aishah (radijAllahu anha) ka thënë:

Kur i dërguari i Allahut zgjohej gjatë natës për tu falur, ai në namaz lexonte këtë lutje:

اللَّهُمَّ رَبَّ جِبْرِيلَ وَمِيكَالَ وَإِسْرَافِيلَ فَاطِرَ السَّمَواتِ والأَرْضِ عَالِمَ الْغَيْبِ والشَّهَادَةِ أَنْتَ تَحْكُمُ بَيْنَ عِبَادك فِيما كانُوا فِيهِ يَخْتَلِفُونَ اهْدِنِي لِمَا اخْتُلِفَ فِيهِ مِنَ الْحَقِّ بإِذْنِكَ إِنَّكَ تَهْدِي مَنْ تَشَاءُ إِلى صِرَاطٍ مُسْتَقِيم

“O Allah im! Zoti i Xhibrilit, Mikailit dhe i Israfilit, Krijues i qiejve dhe i tokës, Ti që di të fshehtat dhe dukshmet! (Një ditë) Ti do të gjykosh në mes të robërve të Tu në të gjithë mospajtimet e tyre! Më udhëzo në të vërtetën në të cilën (njerëzit) kishin mospajtime – Me të vërtetë Ti udhëzon në rrugën e drejtë atë që dëshiron.”

Transmeton Muslimi.

67 – Ibn Abbasi (radijAllahu anhuma) ka thënë:

Kur i dërguari i Allahut falej gjatë pjesës së fundit të natës, ai e lexontë këtë lutje:

اللَّهُمَّ لَكَ الْحَمْدُ أَنْتَ نُورُ السَّمَواتِ والأَرْضِ وَمَنْ فِيهِنَّ وَلَكَ الْحَمْدُ أَنْتَ مَلِكُ السَّمواتِ والأَرْضِ وَمَنْ فِيهِنَّ وَلَكَ الْحَمْدُ أَنْتَ الْحَقُّ وَوَعْدُكَ الْحَقُّ وَقَوْلُكَ الْحَقُّ وَلِقَاؤُكَ حَقٌّ والْجَنَّةُ حَقٌّ وَالنَّارُ حَقٌّ والنَّبِيُّونَ حَقٌّ وَمُحَمَّدٌ، صلى الله عليه وسلم، حَقٌّ وَالسَّاعَةُ حَقٌّ اللَّهُمَّ لَكَ أَسْلَمْتُ وَبِكَ آمَنْتُ وَعَلَيْكَ تَوَكَّلْتُ وَإِلَيْكَ أَنَبْتُ وَبِكَ خَاصَمْتُ وَإِلَيْكَ حَاكَمْتُ فاغْفِرْ لِي مَا قَدَّمْتُ وَمَا أَخَّرْتُ ومَا أَسْرَرْتُ وَمَا أَعْلَنْتُ أَنْتَ إِلهي لاَ إِله إِلاَّ أَنتَ

“O Allahu im! Ty të takon falënderimi. Ti je Drita (Nuri) e qiejve dhe e tokës dhe e asaj që ka në to. Ty të takon falënderimi. Ti je Mbikëqyrës i qiejve dhe tokën dhe i asaj që gjendet në to, Ty të takon falënderimi. Ti je Zoti i qiejve dhe i tokës dhe i asaj që gjendet në to, Ty të takon falënderimi. Ti je i Vërteti, premtimi Yt është i vërtetë, fjala Jote është e vërtetë, takimi me Ty është i vërtetë, Xheneti është i vërtetë, Xhehenemi është i vërtetë, profetët janë të vërtetë, Muhamedi është i vërtetë dhe Kiameti është i vërtetë. O Allah! Të jam nënshtruar Ty, të besoj Ty, të mbështetem Ty, tek Ti kthehem. Për Ty armiqësohem dhe tek Ti kthehem për gjykim. Më fal mua për mëkatet e mia të mëparshme dhe të tanishme, atë që kam fshehur dhe atë që kam shfaqur. Ti je Zoti im. Nuk ka të adhuruar me të drejtë përveç Teje.”

Transmeton Bukhari dhe Muslimi.

Shpërndaje: