Atë ditë Ensarët ishin dalë si zakonisht për ta pritur por pasi kishin qëndruar për një kohë të gjatë pa e parë, u kthyen në shtëpitë e tyre. Pikërisht atëherë, një jehudi që qëndronte mbi çatinë e shtëpisë së tij e pa profetin ﷺ dhe thirri me sa fuqi kishte:
“O Benu Kajleh, po vjen ai që po e prisni!”
Me të dëgjuar lajmin, Ensarët dolën me shpatat e tyre dhe e mirëpritën profetin ﷺ me përshëndetjen profetike. Ai qëndroi në Kuba, te Kulthum bin El-Hadam, edhe pse sipas një mendimi tjetër, ishte mysafir te Sad bin Khajthemeh.
Muslimanët erdhën për ta takuar dhe përshëndetur të dërguarin e Allahut ﷺ. Shumica prej tyre nuk e kishin parë kurrë më parë. Ngaqë Ebu Bekri -radijAllahu anhu- kishte disa thinja, disa menduan se ai ishte profeti ﷺ. Kur dielli u bë tepër i fortë, Ebu Bekri mori një leckë dhe i bëri hije profetit ﷺ. Vetëm atëherë njerëzit e kuptuan se kush ishte në të vërtetë i dërguari i Allahut ﷺ.