Xhinët dhe njerëzit i kam krijuar vetëm që të Më adhurojnë. [Edh-Dharijat 51:56]

14.Arritja në Medine

Imam Ibn Kethir ed-Dimeshkij (v. 774)
Burimi: El-Fusul fi Sirat-ir-Rasul, fq. 37-38
Përktheu: Valdet Gashi
www.perlatmuslimane.com

Ensarëve i kishte arritur lajmi se profeti (salAllahu alejhi ue selem) e kishte lënë Mekën dhe ishte nisur tek ta. Çdo ditë ata dolën jasht Medinës për ta pritur atë. Të hënën, me datën dymbëdhjetë Rabi el-Auuel trembëdhjetë vite pas shpalljes së tij (salAllahu alejhi ue selem) ai arriti tek ata gjatë mëngjesit të ndritur. Ensarët tashmë kishin dalur jashtë atë ditë. Pasi kishin pritur një kohë të gjatë ata shkuan në shtëpi. Personi i parë i cili e pa atë ishte një jehudi që rrinte në qatinë e shtëpisë së tij. Ai bërtiti aq sa mundësi:

“Benu Kajleh! Hisja e juaj të cilën po e prisni ka ardhur!”

Ensarët dolën me shpatat e tyre dhe e përshëndetën atë me përshëndetjen profetike. Profeti (salAllahu alejhi ue selem) u vendos në Kuba tek Kulthum bin el-Hadam. Një tjetër mendim është se ishte tek Sad bin Khajthemeh. Muslimanët erdhën dhe e përshëndetën të dërguarin e Allahut (salAllahu alejhi ue selem). Shumica e tyre nuk e kishin parë atë kurrë më parë. Disa prej tyre, apo ndoshta edhe shumica e tyre mendonin se ai (salAllahu alejhi ue selem) ishte Ebu Bekri, për shkak të flokëve të thinjura. Dhe kur u bë shumë nxehtë e mori Ebu Bekri (radijAllahu anhu) një copë leckë për ti bërë hije të dërguarit të Allahut (salAllahu alejhi ue selem). Atëherë njerëzit e kuptuan se kush ishte i dërguari i Allahut (salAllahu alejhi ue selem).

Shpërndaje: