36.Duart duhet të vendosen mbi gjoks gjatë namazit
Imam Muhammed Nasirudin el-Albani (v. 1420)
Burimi: Sifatu Salat-in-Nebi, fq. 77
Përktheu: Valdet Gashi
Profeti (salAllahu alejhi ue selem) e kishte zakon ta vënte dorën e djathtë mbi anën e sipërme të dorës së tij të majtë, mbi kyç të dorës dhe mbi parakrah1 dhe urdhëroi sahabët e tij të bëjnë të njëjtën gjë.2
Ndonjëherë ai e mbërthente me dorën e djathtë dorën e majtë.3
Ai i vënte duart mbi gjoks.4
Ai ka ndaluar që duart të vendosen në ije gjatë namazit5 dhe se këtë gjë e kishte zakont që ta ndalonte.6
1 Ebu Davudi dhe Ibn Khuzejmeh (2/54/1) me një zinxhir transmetimi autentik. Ai është autentik sipas Ibn Hibanit (485).
2 Maliku, Bukhari dhe Ebu Auaneh.
3 Nesai dhe Darakutni me një zinxhir të saktë transmetimi. Në këtë hadith ka dëshmi se është Sunnet që të kapësh dorën ndërsa hadithi i mëparshëm dëshmon se dora duhet të vendoset mbi dorën tjetër. Të dyja janë Sunnet. Lidhur me atë se disa Hanefi të më vonshëm rekomandojnë që edhe të kapet edhe të vendoset përmbi, kjo është një bidat. Skenari i kësaj është që gishti i vogël i dorës së djathtë të kap kyçin e dorës së majtë dhe që të tre gishtat e mbetur të vendosen mbi të. Kështu përmendet në ”ed-Durr” (1/454) të Ibn Abedinit. Prandaj, mos u mashtroni nga fjalët e disa të më vonshmëve.
4 Ebu Davudi, Ibn Khuzejmeh (2/54/1) (i cili tha se është autentik), Ahmedi dhe Ebush-Shejkh në ”Tarik Asbahan,” f. 125. Tirmidhi ka thënë se një prej zinxhirëve të tij është i mirë. Nëse mendojmë këtë domethënie e gjejmë edhe në ”el-Muvata” të Imam Malikut dhe në ”Sahihun” e Bukharit. Kam folur gjatë për rrugët e ndryshme të hadithit në ”Ahkam-ul-Xhena’iz,” f. 118
Sqarim
Është konfirmuar në Sunnet se duart duhet të vendosen në gjoks. Çdo gjë tjetër është ose e dobët ose e pa bazë. Në mesin e atyre që kanë vepruar përgjatë këtij Sunneti është Imam Is’hak bin Rahojah.
El-Maruazi ka thënë: ”Is’haku e fali namazin e Vitrit me ne … Ai ngriti duart e tij në kunut dhe lexoi kunutin para rukusë. Ai vendosi duart mbi gjoks të tij ose nën gjoks.” (El-Masa’il, f. 222)
Të njëjtën gjë e tha el-Kadhi Ijadh el-Maliki: ”Dora e djathtë duhet të vendoset mbi pjesën e sipërme të dorës së majtë mbi gjoks.” (El-I’lam, f. 15)
Ngjashëm ka transmetuar Abdullah bin Ahmedi i cili ka thënë: ”Unë pashë babain tim duke vënë dorën e djathtë mbi dorën e majtë mbi kërthizë, kur ai qëndronte në namaz.” (El-Masa’il, f. 62)
Shih ”Irua-ul-Ghalil” (353).
5 Bukhari dhe Muslimi. Kjo përmendet në ”el-Irua ‘” (374).
6 Ebu Davudi, Nesai dhe të tjerët.
- mars 29, 2016
- Comments are off