Shejkh Sulejman Er-Ruhejli
Hak-ku Ez-Zeuxhejni
Përktheu: Valdet Gashi
www.perlatmuslimane.com
O ju vëllezër! Prej të drejtave të burrit nga gruaja e tij është se ajo duhet ta falënderoj atë për ato gjëra që ai bën për të dhe të mos jetë mosmirënjohëse ndaj tij.
Profeti ﷺ ka thënë:
“Allahu nuk e shikon gruan e cila nuk është mirënjohëse ndaj burrit të saj, duke qenë se ajo nuk mund t’ia dal pa të.”
Transmeton Nesai (5/9135), el-Hakim (2/2771) dhe el-Bazar (6/2349), ziinxhiri është autentik sipas Hakimit, hadithi është saktësuar nga Albani në “es-Sahihah (289)”.
Gruaja e devotshme dhe e bereqetshme frikësohet që të jetë mosmirënjohëse ndaj burrit të saj. Ajo e edukon veten e saj dhe e kritikon veten që të mos jetë kurrë mosmirënjohëse ndaj burrit të saj. Përse?
Sepse profeti ﷺ ka thënë:
”Pashë xhehenemin dhe nuk kam parë asgjë më të tmerrshme se ai, dhe pashë se shumica e banorëve të tij ishin gratë!”
Ata thanë: “Pse, o i dërguari i Allahut?”
Ai tha: “Për shkak se mohojnë shumë.”
Ata thanë: “Për shkak se mohojnë Allahun?”
Ai tha: “Ato janë mosmirënjohëse ndaj burrave të tyre dhe mosmirënjohëse për trajtimin e mirë që ua bëjnë ata, saqë nëse tërë kohën i bën mirë, e më pas sheh tek ti diçka që nuk i pëlqen asaj, ajo thotë:
“Kurrë nuk kam parë ndonjë gjë të mirë nga ti!”
Transmeton Bukhari (1052) dhe Muslimi (907).