Imam Muhammed bin Muhammed el-Hanbeli el-Menbaxhi
Burimi: Teslijetu Ehlil-Mesaib, fq. 9-11
Përktheu: Valdet Gashi
Allahu (te ala) ka thënë:
الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ أُولَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُون
“… të cilët, kur i godet ndonjë fatkeqësi thonë: “Të Allahut jemi dhe vetëm tek Ai do të kthehemi!” Ata do të shpërblehen me bekim dhe mëshirë nga Zoti i tyre; ata janë në rrugën e drejtë!” 2:156-157
Umer bin Khatab (radijAllahu anhu) ka thënë: “Sa të shkëlqyera janë dy kompensime! Sa shtesë e shkëlqyer!” Transmetohet nga Buhariu me zinxhir transmetimi të reduktuar. Allahu (te ala) ka thënë:
مَا أَصَابَ مِن مُّصِيبَةٍ إِلَّا بِإِذْنِ اللَّهِ وَمَن يُؤْمِن بِاللَّهِ يَهْدِ قَلْبَهُ
“Asnjë fatkeqësi nuk bie mbi ju veçse me lejen e Allahut. Ai ia udhëzon zemrën kujtdo që i beson Atij.” 64:11
Alkameh dhe komentues të tjerë të Kuranit kanë thënë: “Kjo është fatkeqësia e cila e godet njeriun. Ai e di se kjo gjë vjen nga Allahu, andaj ai kënaqet dhe pajtohet me këtë.”
Gjuhëtarët thonë se nga aspekti gjuhësorë, fatkeqësi është çdo gjë që e godet njeriun.
Kurtubiu, Allahu e mëshiroftë, ka thënë: “Fatkeqësi është ajo që e godet dhe e shqetëson besimtarin.”
Muslimi transmeton në Sahihun e tij nga Ebu Seid el-Khudri (radijAllahu anhu), se i dërguari i Allahut (salAllahu alejhi ue selem) ka thënë:
ما يصيب المؤمن من وصب ولا نصب، ولا سقم ولا حزن – حتى الهم يهمه – إلا كفر به من سيئاته
“S’ka besimtarë që vuan nga lodhja, dhimbja, sëmundja, pikëllimi, madje edhe nga shqetësimet vetëm se Allahu ia shlyen mëkatet e tij për to.”
Buhariu dhe Muslimi kanë transmetuar nga Aishah (radijAllahu anha), se i dërguari i Allahut (salAllahu alejhi ue selem) ka thënë:
ما من مصيبة تصيب المسلم إلا كفر الله عز وجل بها عنه حتى الشوكة يشاكها
“Nuk ka fatkeqësi që e godet muslimanin vetëm se Allahu (azze ue xhel) ia shlyen mëkatet e tij për të, madje edhe nëse dëmtohet nga një gjemb.”