Autor: Imam Muhammed bin Abdil-Uehab (v. 1206)
Burimi: Fadl-ul-Islam, fq. 10-12
Përktheu: Valdet Gashi
www.perlatmuslimane.com
Allahu (te ala) ka thënë:
وَمَن يَبْتَغِ غَيْرَ ٱلْإِسْلَٰمِ دِينًا فَلَن يُقْبَلَ مِنْهُ وَهُوَ فِى ٱلْءَاخِرَةِ مِنَ ٱلْخَٰسِرِينَ
”E kush kërkon fe tjetër përveç fesë Islame, atij kurrsesi nuk do t’i pranohet dhe ai në jetën e pastajme do të jetë nga të humburit.” 1
إِنَّ ٱلدِّينَ عِندَ ٱللَّهِ ٱلْإِسْلَٰمُ
”Feja e vetme e pranuar tek Allahu është Islami.” 2
وَأَنَّ هَٰذَا صِرَٰطِى مُسْتَقِيمًا فَٱتَّبِعُوهُ ۖ وَلَا تَتَّبِعُوا۟ ٱلسُّبُلَ فَتَفَرَّقَ بِكُمْ عَن سَبِيلِهِۦ
“Kjo është rruga Ime e drejtë; prandaj ndiqeni e mos shkoni rrugëve të tjera që t’ju shmangin nga rruga e Tij.” 3
Muxhahidi ka thënë:
”Rrugët e tjera d.m.th. janë bidatet dhe dyshimet.”
Aishah (radijAllahu anha) transmeton se i dërguari i Allahut ﷺ ka thënë:
”Kushdo që shpik diçka në fenë tonë që nuk i përket asaj, ajo do t’i refuzohet.” 4
Në një transmetim tjetër thotë:
“Kushdo që vepron diçka që nuk i përket fesë tonë, ajo do t’i refuzohet.” 5
Transmetuar nga Bukhari dhe Muslimi.
Bukhari transmetoi nga Ebu Hurejra (radijAllahu anhu) se i dërguari i Allahut ﷺ ka thënë:
”I tërë umeti im do të hyjnë në xhenet përveç atyre që refuzojnë.” Ata thanë: ”O i dërguari i Allahut! Kush refuzon?” Ai tha: ”Ai që më bindet mua hyn në xhenet dhe ai që më kundërshton mua ka refuzuar (të hyj në xhenet).” 6
Bukhari ka transmetuar nga Ibn Abbasi (radijAllahu anhuma) se i dërguari i Allahut ﷺ ka thënë:
”Njerëzit që Allahu i urren më së shumti janë tre; një mëkatar në Harem, ai i cili dëshiron të ketë tradita të xhahilijetit në Islam dhe ai që kërkon padrejtësisht të derdhë gjakun e muslimanit.” 7
Shejkh-ul-Islam Ibnu Tejmijeh (rahimehullah) ka thënë:
”Tradita të xhahilijetit përfshinë çdo xhahilijet si ato të pakufizuara ashtu edhe ato të kufizuara tek një person i veçantë, si një jehudi, nasrani, idhujtarë ose kushdo tjetër që e kundërshton atë që të dërguarit predikuan.”
Bukhari ka transmetuar nga Hudhejfe i cili tha:
”O dijetarë! Qëndroni në rrugën e drejtë! Nëse e bëni këtë me siguri do të arrini të parët dhe në qoftë se ju shkoni në të majtë dhe të djathtë, atëherë keni devijuar në mënyrë të qartë.” 8
Muhammed bin Uadhah tregoi se si Hudhejfe hyri në xhami dhe tha: ”Sufjan bin Ujejneh na informoi, nga Muxhalid bin Seid, nga Amir esh-Sha’bi nga Masruki i cili i tregoi se Abdullah bin Mesudi (radijAllahu anhu) ka thënë:
”Nuk kalon një vit vetëm se pas tij do të vijë vit më i keq. Unë nuk po them se një vit është më me shumë shi apo më pjellorë se tjetri, as se një udhëheqës është më i mirë se tjetri, por kam për qëllim se dijetarët dhe të mirët tuaj vdesin. Pastaj shfaqen njerëz të cilët i vlerësojnë gjërat sipas epsheve të tyre dhe kështu Islami rrënohet dhe shkatërrohet.” 9
1 Al-Imran 3:85.
2 Al-Imran 3:19.
3 En-Aam 6:153.
4 Bukhari (2697) dhe Muslimi (1718).
5 Muslimi (1718).
6 Bukhari (7280).
7 Bukhari (6882).
8 Bukhari (7282).
9 el-Bid’ah, fq. 61-62.