Në të njëjtin vit ndodhi edhe ndërrimi i kiblës, drejtimi i faljes nga Jerusalemi drejt Qabes. Kjo u bë pas 16 muajsh pas ardhjes së profetit ﷺ në Medine. Sipas një transmetimi tjetër thuhet se kjo ndodhi pas 17 muajsh. Të dyja këto transmetime janë përmendur nga imamët Bukhari dhe Muslimi.
Të parët që u falën në drejtim të Qabes ishin Ebu Said bin El-Mu’alla dhe shoku i tij, siç transmetohet nga Nesai.
“Kemi dëgjuar të dërguarin e Allahut ﷺ duke u predikuar njerëzve dhe ai lexoi ndërrimin e kiblës. I thashë shokut tim: “Eja dhe ti falim dy rekate në mënyrë që ne të jemi të parët që u falën drejt qabës.” Ne shkuam dhe u fshehëm dhe u falëm drejt saj. Pastaj erdhi i dërguari i Allahut ﷺ zbriti dhe e fali namazin e drekës me njerëzit.”
Ata dëgjuan të dërguarin e Allahut ﷺ duke u predikuar njerëzve dhe duke përmendur ndërrimin e kiblës.
Ebu Saidi i tha shokut të tij: “Eja të falim dy rekate, në mënyrë që të jemi të parët që falen drejt Qabes.” Ata u larguan, u fshehën dhe u falën në atë drejtim. Më vonë, i dërguari i Allahut ﷺ erdhi dhe e fali me njerëzit namazin e drekës në drejtim të Qabes.
Gjithashtu agjërimi i Ramazanit u bë obligim dhe një ditë më pas u obligua edhe zekatul fitri.