Shejkh Sulejman Er-Ruhejli
Hak-ku Ez-Zeuxhejni
Përktheu: Valdet Gashi
www.perlatmuslimane.com
Prej të drejtave të gruas mbi burrin e saj është që ai të mos e rrahë atë sepse nuk lejohet rrahja e gruas përveçse nëse ajo nuk i bindet atij apo sjellët me sjellje të keqe, në këtë rast rrahja1 bëhet vetëm si edukim për të pasi që ajo të jetë këshilluar dhe të jetë bojkotuar në shtrat, pa rezultat. Vetëm atëherë burrit i lejohet që ta rrahë atë por duhet ta bëjë këtë në formën e një edukatori dhe jo një ndëshkuesi. Nuk i lejohet në asnjë mënyrë që ta godasë në fytyrë sepse është padrejtësi që ta rrahësh gruan në raste të palejuara dhe në një mënyrë të ndaluar.
Profeti ﷺ ka thënë:
”Ai që godet dikë me kamxhik padrejtësisht, do të goditet në të njëjtën mënyrë në ditën e gjykimit.”
Transmeton Bukhari në ”el-Edeb el-Mufred (186)” dhe el-Bazzar (17/9535), zinxhiri i hadithit është i mirë sipas imam Albanit në ”es-Sahihah (5/467)”.
Profeti ﷺ tha gjithashtu kur përmendi të drejtat e gruas mbi burrin e saj:
”Ai nuk duhet ta godas atë në fytyrë.”
Transmeton Ahmedi (4/446-447), Ebu Daudi (2142), Ibn Maxheh (1850), Ibn Hibani (9/4175) dhe el-Hakimi (2/2764), zinxhiri i hadithit është i mirë sipas Hakimit dhe Dhehebi u pajtua më këtë, dhe gjithashtu edhe imam Albani në ”el-Irua (2033)”.
Allahu – te ala- ka thënë:
”Sa i përket grave që ju i druheni mosbindjes dhe sjelljes së keqe nga ana e tyre, këshillojini, (e nëse kjo s’bën dobi) mos i pranoni në shtrat dhe (në fund) i rrihni ato (lehtas). Por nëse ato ju binden, atëherë mos i ndëshkoni më. Allahu, me të vërtetë, është i Lartësuar dhe i Madhëruar!” En-Nisa, 4:34
Komentuesit e Kuranit thonë se nëse gruaja i bindet burrit të saj, ai nuk ka të drejtë ta rrahë apo që ta bojkotojë në shtrat.
Fjalët e Allahut -të Lartësuar- kah fundi i ajetit:
“Allahu, me të vërtetë, është i Lartësuar dhe i Madhëruar!”
Janë kërcënim për burrat që u bëjnë padrejtësi grave. Në qoftë se ata bëjnë këtë, duhet ta dinë se Allahu -i Lartësuari dhe Madhëruari- është mbrojtës i grave, dhe do t’i ndëshkojë ata të cilët u bëjnë padrejtësi grave.
O burrë, nëse mendon se je i fortë dhe i aftë dhe i mjaftueshëm që ta rrahësh gruan tënde pa një arsye të vlefshme nga Allahu, atëherë duhet ta dish se -i Lartësuari dhe Madhëruari- i Cili është i aftë për çdo gjë është Mbrojtësi i saj. Andaj ruaju që të mos e zemërosh Zotin tënd.
Profeti ﷺ ka thënë:
”Të drejtat tuaja mbi to janë që ato të mos lejojnë dikë që ju e urreni të hyjë në shtëpinë tuaj, e nëse e veprojnë këtë, atëherë rrihni lehtas.”
Profeti ﷺ ka thënë:
”Mos i rrihni robëreshat e Allahut.”
Pastaj Umeri erdhi te profeti ﷺ dhe tha:
“Gratë janë rebeluar ndaj burrave të tyre.”
Ai ﷺ i lejoi burrat që t’i rrahin ato. Të nesërmen shumë gra erdhën te gratë e të dërguarit të Allahut ﷺ dhe u ankuan ndaj burrave të tyre. I dërguari ﷺ tha: Vërtetë, shumë gra erdhën te gratë e Muhammedit ﷺ dhe janë ankuar ndaj burrave të tyre (se i kanë rrahur ato).
“Ata që i rrahin gratë e tyre, nuk janë më të mirët prej jush.”
Transmeton Ebu Daudi (2146), Nesai (5/9167), Ibn Maxheh (1985), Tabarani (1/270), Ibn Hibani (9/4189) dhe el-Hakim (2/2765) i cili gjithashtu tha se hadithi është autentik, i saktë sipas imam Albanit në ”Sahih Sunen Ebi Daud (6/1863)”.
Pse lejoi profeti ﷺ rrahjen e tyre? Sepse kur ndaloi burrat që të rrahin gratë e tyre, atëherë burrat u ndalën nga kjo plotësisht dhe si rezultat i kësaj disa gra u bënë të padëgjueshme ndaj burrave të tyre, dhe prandaj i dërguari ﷺ lejoi rrahjen e tyre, pas kësaj shumë gra shkuan te gratë e profetit ﷺ dhe u ankuan në burrat e tyre, dhe profeti ﷺ tha:
”Ata që i rrahin gratë e tyre, nuk janë më të mirët prej jush, ata që i godasin gratë e tyre, nuk janë më të mirët prej jush.”
Nuk është mirësi që t’i rrihni gratë tuaja për gjëra që nuk u ka lejuar Allahu -i Madhërishëm-.
Kështu bëhet rrahja sipas sheriatit
Shih: https://www.perlatmuslimane.com/?s=rrahja+e+gruas