Xhinët dhe njerëzit i kam krijuar vetëm që të Më adhurojnë. [Edh-Dharijat 51:56]

33.Kur hipim në mjetin e udhëtimit dhe kur udhëtojmë

Shejkhul Islam Ibnu Tejmijeh (v. 728)
Sahihul-Kelimit-Tajjib
Verifikoi dhe korrigjoi: Imam Muhamed Nasirudin el-Albani
Përktheu: Valdet Gashi
www.perlatmuslimane.com

138 – Ka thënë Alij bin ebi Rabi’ah:

“Kur ‘Alij bin Ebi Talibit (radijAllahu anhu) i sollën një kafshë që të hipte mbi të, dhe në momentin kur e vëri këmbën në të tha:

بِسْمِ اللهِ

“Me emrin e Allahut.”

Dhe, kur e drejtoi shpinën, tha:

اَلْحَمْدُ لِلَّهِ

“Falënderimi dhe lavdërimi i qoftë Allahut.”

Pastaj tha:

سُبْحاَنَ الَّذِي سَخَّرّ لَناَ هَذاَ وَ ماَ كُنَّا لَهُ مُقْرِنِينَ وَ إِناَ إِلَى رَبِّناَ لَمُنْقَلِبُونَ

“Qoftë lavdëruar Ai që i nënshtroi këto për ne, se vetë ne këto nuk do të mund t’i kishim nën pushtet dhe ne, me siguri, do të kthehemi te Zoti ynë!” 43:14-15

Pastaj tha:

اَلْحَمْدُ لِلَّهِ ، اَلْحَمْدُ لِلَّهِ ، اَلْحَمْدُ لِلَّهِ ، اَللهُ أَكْبَرُ ، اَللهُ أَكْبَرُ ، اَللهُ أَكْبَرُ، سُبْحاَنَكَ اللَّهُمَّ إِنِّي ظَلَمْتُ نَفْسِى ، فاغْفِرْلِي ، فَإِنَّهُ لاَ يَغْفِرُ الذُّنُوبَ إِلاَّ أَنْتَ 

“Falënderimi dhe lavdërimi i qoftë Allahut (3 herë)! Allahu është më i madhi (3 herë)! I Lartësuar qofsh o Allahu im! Unë i kam bërë padrejtësi vetvetes, andaj më fal mua ngase nuk mund t’i fal mëkatet askush pos Teje!”

Pastaj qeshi.

Ndërsa dikush i tha: “O udhëheqës i besimtarëve, Pse po qesh?”

Ai tha: “E kam parë profetin duke thënë kështu siç thash unë, pastaj qeshi dhe unë i thash: O i dërguar i Allahut pse po qesh?

Ai tha:

إن ربك سبحانه و تعالى يعجب من عبده إذا قال : رب اغفر لي ذنوبي ، يعلم أنه لا يغفر الذنوب غيري

“Me të vërtetë Zoti yt Subhanehu ue Te’ala kënaqet me robin i Tij kur ai thotë: “O Zoti im, më fal mëkatet!” (Thotë Allahu:) Sepse ai e di se nuk mund t’i fal askush mëkatet pos Meje.”

Transmeton Ebu Daudi, Nesai dhe Tirmidhi i cili tha: “Hadithi është i mirë dhe autentik.” Kjo është e saktë. Ibn Hibani, Hakimi, Neueui dhe të tjerët e vërtetuan hadithin.

139 – Abdullah bin Umeri (radijAllahu anhuma) tha:

“Kur profeti ulej në devenë e tij për të udhëtuar, ai thoshte:

الله أَكبر الله أَكبر الله أَكبر

”Allahu Ekber. Allahu Ekber. Allahu Ekber.”

Pastaj thoshte:

سُبْحاَنَ الَّذِي سَخَّرّ لَناَ هَذاَ وَ ماَ كُنَّا لَهُ مُقْرِنِينَ وَ إِناَ إِلَى رَبِّناَ لَمُنْقَلِبُونَ ، اَللَّهُمَّ إِناَّ نَسْأَلُكَ فِي سَفَرِناَ هَذاَ اَلْبِرَّ وَ التَّقْوَى وَ مِنَ الْعَمَلِ ماَ تَرْضىَ ، اَللَّهُمَّ هَوِّنْ عَلَيْناَ سَفَرَناَ هَذاَ وَ اطْوِ عَنَّا بُعْدَهُ ، أَنْتَ الصَّاحِبُ فِي السَّفَرِ و الْخَلِيفَةُ فِي الْأَهْلِ ، اَللَّهُمَّ إِنِّي أَعوُذُ بِكَ مِنْ وَعْثاَءِ السَّفَرِ وَ كَآبَةِ الْمَنْظَرِ ، وَ سُوءِ الْمُنْقَلَبِ فِي الْماَلِ وَ الْأَهْلِ

“Qoftë lavdëruar Ai që i nënshtroi këto për ne, se vetë ne këto nuk do të mund t’i kishim nën pushtet dhe ne, me siguri, do të kthehemi te Zoti ynë!” 43:14-15 

“O Zot, të lutemi të na dhurosh në këtë udhëtim mirësinë dhe devotshmërinë dhe të na bësh që të veprojmë vepra nga të cilat Ti je i kënaqur. O Zot, na e lehtëso këtë udhëtim dhe na e bëj të rehatshëm rrugën e tij. O Allahu im, Ti je shoqëruesi më i mirë në udhëtim dhe zëvendësi më i mirë në familjen tonë. O Zot, na ruaj nga udhëtimet e vështira, nga shikimet qëllimkëqija dhe nga keqësimi i gjendjes në pasuri dhe familje.”

Dhe kur kthehej nga udhëtimi, thoshte të njëjtat fjalë dhe shtonte:

آيِبُون ، تاَئِبُونَ ، عاَبِدوُنَ ، لِرَبِّناَ حاَمِدوُنَ

“U kthyem me pendim dhe përkushtim duke e falënderuar Zotin tonë.”

140 – Në një transmetim tjetër, thuhet:

كان رسول الله صلى الله عليه و سلم و أصحابه إذا علوا الثنايا –المرتفعات من الطرق- كبروا ، و إذا هبطوا سبحوا

“Kur i dërguari i Allahut ﷺ dhe shokët e tij gjatë rrugëtimit ngjiteshin tatëpjetë, thoshin: “Allahu-Ekber (Allahu është më i Madhi)”, dhe kur zbritnin nga ajo, thoshin: “SubhanAllah (i Lartësuar është Allahu)”.”

Hadithin e transmeton Bukhari.

Shpërndaje: