“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

35.Shejtani iu shfaq Kurejshëve

Imam Ibn Kethir ed-Dimeshkij (v. 774)
Burimi: El-Fusul fi Sirat-ir-Rasul, fq. 51
Përktheu: Valdet Gashi
www.perlatmuslimane.com

Shejtani i ishte shfaqur Kurejshëve në formën e Surakah bin Malik bin Xhahmit. Surakah bin Malik ishte kryeplaku i fisit Mexhlad. Ai u ofroi atyre ndihmë dhe i inkurajoi për të luftuar. Kurejshët ishin frikësuar se fisi Benu Mexhlad do të shfrytëzonin mundësinë dhe ti sulmojnë familjet dhe pasuritë e tyre. Prandaj Allahu Te ala thotë:

وَإِذْ زَيَّنَ لَهُمُ الشَّيْطَانُ أَعْمَالَهُمْ وَقَالَ لاَ غَالِبَ لَكُمُ الْيَوْمَ مِنَ النَّاسِ وَإِنِّي جَارٌ لَّكُمْ فَلَمَّا تَرَاءتِ الْفِئَتَانِ نَكَصَ عَلَى عَقِبَيْهِ وَقَالَ إِنِّي بَرِيءٌ مِّنكُمْ إِنِّي أَرَى مَا لاَ تَرَوْنَ إِنِّيَ أَخَافُ اللّهَ وَاللّهُ شَدِيدُ الْعِقَابِ

Përkujto (Muhammed) kur shejtani u dha guxim për veprat e tyre dhe u tha: ”S’ka kush që mund t’iu mposhtë sot ju, unë jam mbrojtës juaji!” E kur u ballafaquan të dy grupet, ai u tërhoq prapa e tha: ”Unë tërhiqem prej jush, unë shoh çka nuk shihni ju, unë i frikësohem Allahut. Allahu ndëshkon shumë ashpër”. 8:48

Ai kishte parë engjujt duke zbritur në betejë. Ai kishte parë dikë që ai me të cilët nuk mund t’ia dilte prandaj iku.

Engjëjt luftuan ashtu siç i kishte urdhëruar Allahu. Kur një musliman dëshiroi të sulmoi armikun, ai pa se si ra para tij. Allahu bëri që muslimanët të poshtërojnë idhujtarët. Idhujtari i parë që iku ishte Khalid bin al- A ’lam i cili megjithatë, u kap dhe u zu rob. Muslimanët i ndjekën ata. Ata i vranë dhe i robëruan. Shtatëdhjetë idhujtarët u vranë, shtatëdhjetë u kapën. Pasuritë e tyre të mbetura u morën si pre e luftës. Disa nga adhuruesit e idhujve të cilët u vranë ishin ata për të cilët i dërguari i Allahut (salAllahu alejhi ue selem) kishte treguar një ditë më parë, duke përfshirë Ebu Xhehlin (Ebul-Hakam Amr bin Hisham) (Allahu e mallkon atë). Ai u vra nga Muadh bin Amr bin el-Xhemuh dhe Mu’avvidh bin Afra. Goditjen e vdekjes e mori nga Abdullah bin Mesudi që ia preu kokën. Pastaj ai dërgoi kokën të dërguarit të Allahut salAllahu alejhi ue selem, i cili u gëzua për këtë.

Shpërndaje:

Dela på facebook
Dela på whatsapp
Dela på telegram