Imam Salih bin Feuzan el-Feuzan
Burimi: et-Ta’likat el-Mukhtasarah alal-Akidah et-Tahauijjeh, fq. 44
Përktheu: Valdet Gashi
www.perlatmuslimane.com
Ebu Xha’fer el-Uarrak et-Tahaui (Allahu e mëshiroftë) ka thënë:
37 – Askush nuk mund të anulojë vendimin e Tij ose të vonojë përmbushjen e gjykimit të Tij ose të anulojë urdhërin e Tij.
إِذَا قَضَى أَمْرًا فَإِنَّمَا يَقُولُ لَهُ كُن فَيَكُونُ
“Kur Ai vendos për një gjë, Ai vetëm i thotë asaj: “Bëhu!” – dhe ajo bëhet menjëherë.”1
وَاللّهُ يَحْكُمُ لاَ مُعَقِّبَ لِحُكْمِهِ وَهُوَ سَرِيعُ الْحِسَابِ
“Kur gjykon Allahu, nuk ka tjetër më që të kthejë prapë gjykimin e Tij dhe Ai është më i Shpejti në llogari.”2
Kur Allahu (azze ue xhel) vendos diçka askush nuk mund ta ndalojë atë ndryshe nga njerëzit vendimet e të cilëve mund të shfuqizohen dhe të anulohen. Askush nuk mund t’i kthejë urdhrat (kaderin) universal të Allahut. Ndërsa, është e mundur që urdhëresat e Tij fetare të anulohen dhe të kundërshtohen. Kështu, Allahu i sprovon krijesat për t’i shpërblyer ose për t’i ndëshkuar ata përgjatë kësaj.
1 19:35
2 13:41