Shejkhul Islam Ibnu Tejmijeh (v. 728)
Burimi: Sahihul-Kelimit-Tajjib, fq. 106-108
Verifikoi dhe korrigjoi: Imam Muhammed Nasirudin el-Albani
Përktheu: Valdet Gashi
www.perlatmuslimane.com
164 – Abdullah bin Mesudi (radijAllahu anhu) ka thënë:
“I dërguari i Allahut ﷺ na ka mësuar që të fillojmë çështjet e nevojshme me:
اَلْحَمْدُ لِلَّهِ نَحْمَدُهُ وَنَسْتَعِينُهُ ونَسْتَغْفِرُهُ وَنَعُوذُ بِاللهِ مِنْ شُرُورِ أَنْفُسِنَا وَسَيِّئَاتِ أَعْمَالِنَا مَنْ يَهْدِهِ اللهُ فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ وَ أَشْهَدُ أَنْ لاَ إِلَهَ إِلاَّ اللهُ وَ أَشْهَدُ أَنَّ مُحَمَّداً عَبْدُهُ وَ رَسُولُهُ
“Me të vërtetë hamdi dhe lavdërimet i takojnë Allahut. Atë e falënderojmë, prej Tij ndihmë dhe falje kërkojmë. Kërkojmë mbrojtjen e Allahut nga të këqijat e shpirtit tonë dhe veprave tona të liga. Atë që e udhëzon Allahu, nuk ka kush që e devijon, dhe atë që e devijon Allahu nuk ka kush që e udhëzon. Dëshmoj se nuk meriton të adhurohet askush tjetër përveç Allahut, i Cili është Një dhe nuk ka ortak, dhe dëshmoj se Muhammedi është rob dhe i dërguari i Allahut.”
يَا أَيُّهَا النَّاسُ اتَّقُواْ رَبَّكُمُ الَّذِي خَلَقَكُم مِّن نَّفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالاً كَثِيرًا وَنِسَاء وَاتَّقُواْ اللّهَ الَّذِي تَسَاءلُونَ بِهِ وَالأَرْحَامَ إِنَّ اللّهَ كَانَ عَلَيْكُمْ رَقِيبًا
“O njerëz! Frikësojuni Zotit tuaj, i Cili ju krijoi prej një njeriu, ndërsa prej atij krijoi bashkëshorten e tij, kurse prej këtyre të dyve krijoi shumë meshkuj e femra. Dhe frikësojuni Allahut, me emrin e të Cilit ju kërkoni të drejtat e ndërsjella dhe ruani lidhjet farefisnore. Se vërtet, Allahu është përherë Mbikëqyrës mbi ju.” En-Nisa, 4:1
يَا أَيُّهَا الَّذِينَ آمَنُواْ اتَّقُواْ اللّهَ حَقَّ تُقَاتِهِ وَلاَ تَمُوتُنَّ إِلاَّ وَأَنتُم مُّسْلِمُونَ
“O besimtarë! Kijeni frikë Allahun ashtu si i takon Atij dhe vdisni vetëm duke qenë muslimanë!” Al-Imran, 3:102
يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلًا سَدِيدًا يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَن يُطِعْ اللَّهَ وَرَسُولَهُ فَقَدْ فَازَ فَوْزًا عَظِيمًا
“O besimtarë, frikësojuni Allahut dhe thoni vetëm të vërtetën. Ai do t’jua bekojë veprat tuaja dhe do t’jua falë gjynahet. Kush i bindet Allahut dhe të dërguarit të Tij, do të arrijë një fitore madhështore.” El-Ahzab, 33:70-71
Transmetojnë të katërt. Tirmidhi tha “hadithi është i mirë”. Hadithi është autentik. Ai transmetohet përmes katër rrugëve kur njëri prej tyre është autentik nga Ibn Mesudi sipas kushteve të Muslimit.
165 – Ebu Hurejra (radijAllahu anhu) tregoi se profeti ﷺ e kishte zakon të uronte dhe të lutej për të sapo martuarit:
بَارَكَ الله لكَ وَبَارَكَ عَلَيْكَ وَجَمَعَ بَيْنَكُمَا فِي خَيْر
“Allahu të bekoftë ty, bekimi i Allahut qoftë mbi ju dhe ju bashkoftë juve në mirësi.”
Hadithin e transmeton Tirmidhi. Hadithi është i mirë dhe autentik.
Kjo është e saktë. Zinxhiri i transmetimit është autentik sipas kushteve të Muslimit. Këtë e tha edhe Hakimi dhe Dhehebiu u pajtua me të.
166 – Profeti ﷺ ka thënë:
إذا نزوج أحدكم امرأةً أو اشترى خادماً فليقل : اَللَّهُمَّ إِنِّي أَسْأَلُكَ خَيْرَهَا وَخَيْرَ ماَ جَبَلْتَهاَ عَلَيْهِ وَ أَعُوذُ بِكَ مِنْ شَرِّهَا وَشَرِّ ماَ جَبَلْتَهاَ عَلَيْهِ
“Nëse ndonjë prej jush martohet apo blen ndonjë shërbëtorë, atëherë le të thotë: “O Allah, të lutem Ty që të më japësh mirësinë e saj dhe mirësinë të cilën e ke bërë natyrë të saj. Dhe të lutem të më mbrosh nga e keqja e saj dhe nga e keqja të cilën e ke bërë natyrë të saj.”
Dhe ka thënë:
و إذا اشترى بعيرا فليأخذ بذروة سنامه فليقل مثل ذلك
“Dhe nëse dikush blen ndonjë kafshë, atëherë le të vejë dorën e tij mbi gungën e saj (eshtrën më të lartë) dhe të thotë të njëjtën gjë (siç u cek më lartë).”
Transeton Ebu Daudi dhe Ibn Maxheh. Zinxhiri i transmetimit është i mirë madje edhe autentik sipas disave.
167 – Profeti ﷺ ka thënë:
لو أن أحدكم إذا أتى أهله قال : بِسْمِ اللهِ جَنِّبْنَا الشَّيْطَانَ وَجَنِّبِ الشَّيْطَانَ مَا رَزَقْتَنَا ؛ فقضي بينهنا ولد ، لم يضره شيطان أبداً
“Kur ndonjëri prej jush i afrohet gruas së tij (që të ketë marrëdhënie intime me të) dhe thotë: “Me emrin e Allahut! O Allahu im, largoje shejtanin nga ne dhe nga ai që do të na furnizosh me të”; – Nëse është e caktuar që ata të kenë fëmijë, shejtani kurrë nuk do të jetë në gjendje t’i bëj atij dëm.”
Transmeton Bukhari dhe Muslimi.