Xhinët dhe njerëzit i kam krijuar vetëm që të Më adhurojnë. [Edh-Dharijat 51:56]

40.Kështu Muhamedi ﷺ u bë profet dhe i dërguar

Autor: Imam Muhamed bin Abdil-Uehab (v. 1206)

Shpjegues i librit: Imam Abdul-Aziz bin Abdullah bin Baz (v. 1420)

Sherh Thalathat-il-Usul, fq. 48-49

Përktheu: Valdet Gashi

www.perlatmuslimane.com

Shejkh-ul-Islam Muhamed bin Abdil-Uehab -rahimehullah- ka thënë:

Ai ﷺ jetoi gjashtëdhjetë e tre vite; dyzet vite para thirrjes profetike dhe njëzet e tre vite si profet (nebij) dhe i dërguar (resul). Ai u bë profet (nebij) me [ajetin] “Lexo!” Dhe u bë i dërguar (resul) me [suren] “Muddethir”. Vendlindja e tij ishte Meka. Allahu e dërgoi atë që të paralajmëroj kundër idhujtarisë dhe që të thërret në teuhid. Argument për këtë janë fjalët e Tij -te ala-:

يَا أَيُّهَا الْمُدَّثِّرُ قُمْ فَأَنذِرْ وَرَبَّكَ فَكَبِّرْ وَثِيَابَكَ فَطَهِّرْ وَالرُّجْزَ فَاهْجُرْ وَلَا تَمْنُن تَسْتَكْثِرُ وَلِرَبِّكَ فَاصْبِرْ

”O ti i mbuluar! Ngrihu dhe tërhiqu vërejtjen (duke i thirrur). Dhe madhëroje Zotin tënd! Dhe rrobat tua pastroi! Dhe të keqes së ndyrë largohu! Dhe mos u mburr me atë që jep e të duket shumë! Dhe për hir të Zotit tënd duro!” El-Muddethir, 74:1-7

Ajeti:

قُمْ فَأَنذِرْ

”Ngrihu dhe tërhiqu vërejtjen (duke i thirrur)!”

Do të thotë paralajmëro kundër idhujtarisë dhe thirr në teuhid.

وَرَبَّكَ فَكَبِّرْ

”Dhe madhëroje Zotin tënd!”

Do të thotë madhëroje Allahun me teuhid.

وَثِيَابَكَ فَطَهِّرْ
”Dhe rrobat tua pastroi!”

Do të thotë pastrojë veprimet tuaja nga idhujtaria.

وَالرُّجْزَ فَاهْجُرْ

”Dhe të keqes së ndyrë largohu!”

Do të thotë idhujve largohu. Ikja prej tyre do të thotë të shmangesh dhe të largohesh prej tyre dhe adhuruesve të tyre.

Shpejgimi

Me këtë ai u bë profet (nebij).

Ndërsa ishte në shpellën Hira i erdhi Xhibrili -alejhi selam- dhe e urdhëroi që të lexojë këtë sure. Menjëherë pas kësaj Xhibrili -alejhi selam- erdhi tek ai me ajetet e sures “El Muddethir”.

Ai u bë i dërguar (resul) me fjalët e Allahut:

اقْرَأْ بِاسْمِ رَبِّكَ الَّذِي خَلَقَ

”Lexo me emrin e Zotit tënd, i Cili krijoi (çdo gjë).” El-‘Alak, 96:1

Kështu, ai u bë profet (nebij). Ndërsa ai ishte në Shpellën Hira, kur i erdhi Xhibrili -alejhi selam- dhe e urdhëroi atë që të lexojë këtë sure. Menjëherë pas kësaj Xhibrili -alejhi selam- erdhi tek ai  me ajetet e sures “El Muddethir”. Ai u bë i dërguar (resul) me fjalët e Allahut:

يَا أَيُّهَا الْمُدَّثِّرُ قُمْ فَأَنذِرْ

”O ti i mbuluar! Ngrihu dhe tërhiqu vërejtjen (duke i thirrur)!”

Herën e parë kur Xhibrili -alejhi selam- shkoi tek ai dhe urdhëroi që të lexojë dhe e shtrëngojë fortë për ta përgatitur atë për vështirësitë e mëdha të shpalljes dhe kumtimit të saj. Ai ﷺ u frikësua aq shumë nga shtrëngimi që ia bëri Xhibrili -alejhi selam- sa që shkoi në shtëpi dhe i tha Khatixhes: “Më mbuloni, më mbuloni”.

Pas kësaj, Allahu tha:

قُمْ فَأَنذِرْ

”Ngrihu dhe tërhiqu vërejtjen (duke i thirrur)!”

Ngrihu dhe paralajmëro popullin! Kështu, ai u bë i dërguar (resul).

وَرَبَّكَ فَكَبِّرْ

”Dhe madhëroje Zotin tënd!”

D.m.th respektoje me teuhid.

وَثِيَابَكَ فَطَهِّرْ
”Dhe rrobat tua pastroi!”

Pastroj veprat prej idhujtarisë, këtu nuk është për qëllim pastrimi i rrobave sepse namazi akoma nuk ishte bërë obligim. Pra është për qëllim pastrimi i veprave:

وَلِبَاسُ التَّقْوَىَ ذَلِكَ خَيْرٌ

”Po petku i devotshmërisë, ai është më i miri.” El-A’raf, 7:26

Veprat pra mund të quhen rroba.

وَالرُّجْزَ فَاهْجُرْ

”Dhe të keqes së ndyrë largohu!”

Do të thotë statujat. Të ikësh prej tyre do të thotë të shmangësh dhe distancohesh prej tyre dhe adhuruesve të tyre.

Shpërndaje: