Xhinët dhe njerëzit i kam krijuar vetëm që të Më adhurojnë. [Edh-Dharijat 51:56]

43.Vrasja e Ka’b bin el-Eshrefit

Imam Ibn Kethir ed-Dimeshkij (v. 774)
Burimi: El-Fusul fi Sirat-ir-Rasul, fq. 56
Përktheu: Valdet Gashi
www.perlatmuslimane.com

Jehudiu Ka’b bin el-Eshref ishte nga Tajji dhe nëna e tij ishte nga Benun-Nedhir. Ai e kishte zakon që ta bezdiste të dërguarin e Allahut (salAllahu alejhi ue selem) dhe u bënte provokime grave besimtare në poezitë e tij. Pas betejës së Bedrit ai udhëtoi për në Mekë dhe e nxiste popullsinë kundër të dërguarit të Allahut (salAllahu alejhi ue selem) dhe besimtarëve. Atëherë i dërguari i Allahut (salAllahu alejhi ue selem) nxiti muslimanët që ta vrasin atë dhe tha:

“Kush kujdeset për Ka’b bin el-Eshref? Ai e ka bezdisur Allahun dhe të dërguarin e Tij.”

Burra nga Ensarët dhe fisit Eus u lajmruan vullnetarisht. Ata ishin Muhammed bin Meslemeh, Abbad bin Bishr bin Uaksh, Ebu Na’ilah (i cili quhej Silkan bin Selemeh bin Uaksh i cili ishte vëllau i Ka’b bin el-Ashrafit) përmes mëkimit), el-Harith bin Aus bin Muadh dhe Ebu bin Xhabr. Profeti (salAllahu alejhi ue selem) u lejoi atyre që në çdo mënyrë ta mashtrojnë atë dhe i liroi nga përgjegjëia (lidhur me këtë veprim). Një natë ata shkuan në shtëpinë e tij dhe i kërkuan që të zbres. Ata filluan të flasin me të në një mënyrë që i dha përshtypjen se po synonin të dërguarin e Allahut (salAllahu alejhi ue selem). Kur ai filloi të ndjehen rehat me ta, ata e vranë.

Ata u kthyen natën vonë. Atë natë hëna ishte e plotë. Kur ata erdhën tek i dërguari i Allahut (salAllahu alejhi ue selem), ai ishte në namaz dhe lutej. Pas përfundimit të namazit, ai u lut për ta. El-Harith bin Eus ishte lënduar aksidentalisht nga shpatat e shokëve të tij pas së cilës profeti (salAllahu alejhi ue selem) e pështyu në plagët e tij dhe ai u shërua menjëherë. Në mëngjes, jehudët filluan të flasin për vrasjen. Aty për aty, profeti (salAllahu alejhi ue selem) dha leje që jehudët të luftohen.

Shpërndaje: