Xhinët dhe njerëzit i kam krijuar vetëm që të Më adhurojnë. [Edh-Dharijat 51:56]

45.Shikimi në Allahun, ditën e gjykimit është i qartë

Autor: Shejkhul Islam Ibnu Tejmijeh (v. 728)

Shpjegues i librit: Imam Abdul-Aziz bin Abdil-lah bin Baz (v. 1420)

Burimi: Sherh el-Akidah el-Uasitijeh, fq. 68-69

Përktheu: Valdet Gashi

www.perlatmuslimane.com

E njëjta gjë vlen edhe për hadithin në lidhje me shikimin në Allahun:

“Ju me të vërtetë do ta shihni Zotin tuaj sikurse e shihni hënën e plotë, nuk do të keni vështirësi ta shihni Atë.”

Ju pra nuk do të keni nevojë të shtyheni. Shikimi në Të do të jetë i qartë dhe nuk do të ketë nevojë që njerëzit të shtyhen mes vete. Vetëm kur një gjë është e fshehur njerëzit shtyhen mes vete për të parë atë. Ata i thonë njëri-tjetrit:

“Shiko! Shiko!”

Kjo sepse ajo që shikohet është e paqartë. Ndërsa shikimi në Allahun është i qartë, ashtu si edhe pamja e diellit në qiellin pa asnjë re. As nuk ka nevojë për shtyrje ose grumbullim për ta parë atë. Të gjithë e shohin atë qartë nga vendet e tyre. Gjithkush e sheh atë, qartë, nga vendet e tyre, dhe ata nuk japin mund (nuk ndiejnë vështirësi) për ta parë atë.

Shpërndaje: