Imam Muhammed bin Hiban el-Busti
Raudatul-‘Ukala ue Nuz’hetul-Fudala
Përktheu: Valdet Gashi
www.perlatmuslimane.com
1 – Është obligim të pranosh dhuratën kur të jepet. Nuk lejohet refuzimi i saj. Pastaj duhet të shpërblejë për të nëse është e mundur dhe të falënderojë për të. I rekomandoj vëllezërit që t’i japin dhurata njeri tjetrit. Ky veprim sjell dashuri dhe largon grindjet.
2 – Abdul-Malik bin Rifa’ah el-Fehmi ka thënë:
”Dhurata është magji e qartë.”
3 – Aban ka thënë:
”El-Hasan bin Amarah mësoi se el-A’mash e kishte fyer atë. Si rezultat i kësaj ia dhuroi një rrobë atij. Pas kësaj el-A’mash e kishte zakon të fliste mirë për të.
Njerëzit i thanë: ”Si është e mundur që së pari ta fyesh dhe pastaj ta lavdërosh atë?”
Ai tha: ”Khejthemeh më tregoi se Ibn Mesudi ka thënë:
”Zemrat janë krijuar me natyrshmërinë për të dashur atë që sillet mirë ndaj tyre dhe të urrejnë atë që sillet keq ndaj tyre.”
4 – Ibn Sirin ka thënë:
”Ata e kishin zakon t’i dhuronin njëri-tjetrit monedha argjendi në pjatë.”
5 – I mençuri është i obliguar të përdor gjëra që janë të përshtatshme për kohën dhe të jetë i kënaqur me kaderin. Ai nuk duhet të dëshiroj diçka tjetër përveç asaj që i është dhuruar si furnizim. Nëse posedon një gjë të pavlerë nuk duhet të mos e japë atë si lëmoshë vetëm sepse ajo nuk ka vlerë te ai. Ajo qe më së paku mund të themi është se veprimi i tillë përbëhet nga koprracia. Kushdo që nënvlerëson diçka madje as nuk e dhuron atë.
6 – El-Esma’i ka thënë:
”Shkuam në shtëpinë e Kahmas i cili na dhuroi njëzet e pesë hurme të kuqe dhe të papjekura. Pastaj tha: ”Ky është mundi i vëllait tuaj, dhe nga Allahu kërkohet ndihmë.”
7 – Mejmun ka thënë:
”Kushdo që dëshiron vëllezër pa gabime duhet të shoqërohet me të vdekurit në varret e tyre.”
8 – Is’hak bin Ibrahim ka thënë:
”I është thënë el-Mugireh bin Shu’behs: ”Çfarë është ajo që ende e shijon?”
Ai u përgjigj: ”Shijojë nga dhuratat të cilat ia dhurojë vëllezërve.”
E pyetën: ”Kush e ka jetën më të mirë?”
Ai u përgjigj: ”Ai nga i cili të tjerët jetojnë (i furnizon ose iu dhuron atyre).”
E pyetën: ”Kush e ka jetën më të keqe?”
Ai u përgjigj: ”Ai nga i cili askush nuk jeton.”