“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

64.Humbja më e madhe dhe dënimi më i madh

Imam Salih bin Feuzan el-Feuzan
Burimi: et-Ta’likat el-Mukhtasarah alal-Akideh et-Tahauijjeh, fq. 75
Përktheu: Valdet Gashi
www.perlatmuslimane.com

Ebu Xha’fer el-Uarrak et-Tahaui (Allahu e mëshiroftë) ka thënë:

Allahu (te ala) tha në lidhje me kufarët:

كَلَّا إِنَّهُمْ عَن رَّبِّهِمْ يَوْمَئِذٍ لَّمَحْجُوبُونَ

“Jo dhe Jo! Atë ditë do të jenë të penguar prej Zotit të tyre.” 1

Ata do të pengohen nga Allahu, d.m.th. nuk do ta shohin Atë, pasi ata (kufarët) e mohuan Allahun në jetën e kësaj bote dhe prandaj do të pengohen që ta shohin Atë në ditën e gjykimit. Vërtet që kjo është humbja më e madhe dhe dënimi më i madh, i kërkojmë Allahut mbrojtje nga kjo gjë. Në të njëjtën kohë, ajeti tregon se besimtarët nuk do të pengohen, d.m.th. ata do ta shohin Allahun në ditën e gjykimit. Ata do ta shohin Atë në botën tjetër sepse besuan në Të në jetën e kësaj bote edhe pse nuk e panë Atë. Ata i besuan Atij përmes argumenteve dhe shpalljeve të Tij (subhaneh). Si shpërblim, Ai do t’i nderojë ata që ta shohin Atë në ditën e gjykimit dhe shikimi i fytyrës së Allahut (azze ue xhel) është kënaqësia më e madhe në xhenet. Pra, ky është besimi i Ehlus-Sunnetit dhe Xhematit. Këto ishin disa prej argumenteve nga Kurani.


1 83:15

Shpërndaje:

Dela på facebook
Dela på whatsapp
Dela på telegram