Iman Muhammed bin Abdil-Uehab (v. 1206)
Ta’lim-us-Sibjan Et-Teuhid
Përktheu: Valdet Gashi
www.perlatmuslimane.com
Pyetja nr 6: Kush është profeti yt?
Përgjigje: Profeti ynë është Muhammed bin Abdilah bin Abdul-Muttalib bin Hashim bin Abdi Menaf.
Allahu -te ala- e zgjodhi atë prej fisit Kurejsh. Ishte më i zgjedhuri nga pasardhësit e Ismailit ﷺ. Allahu dërgoi Muhammedin ﷺ te njerëzit e bardhë dhe te zezakët. Allahu ia shpalli librin dhe urtësinë atij. Muhammedi ﷺ i thërriti njerëzit që të adhurojnë vetëm Allahun dhe të ndalen nga adhurimi i çdo gjëje tjetër nga statujat, gurët, pemët, profetët, njerëzit e drejtë, engjëjt dhe të tjera.
Muhammedi ﷺ i thirri njerëzit që të braktisin idhujtarinë. Ai luftoi kundër tyre në mënyrë që ata të braktisin idhujtarinë dhe në vend të kësaj ta adhurojnë vetëm Allahun.
Allahu -te ala- ka thënë:
قُلْ إِنَّمَا أَدْعُو رَبِّي وَلَا أُشْرِكُ بِهِ أَحَدًا
“Thuaj (o Muhammed): “Unë i lutem vetëm Zotit tim dhe nuk i shoqëroj Atij askënd (në adhurim).” El-Xhin, 72:20
قُلِ اللَّهَ أَعْبُدُ مُخْلِصًا لَّهُ دِينِي
”Thuaj: “Vetëm Allahun e adhuroj me besimin tim të plotë e të sinqertë.” Ez-Zumer 39:14
قُلْ إِنَّمَا أُمِرْتُ أَنْ أَعْبُدَ اللّهَ وَلا أُشْرِكَ بِهِ إِلَيْهِ أَدْعُو وَإِلَيْهِ مَآبِ
”Thuaj: ”Mua më është urdhëruar që ta adhuroj vetëm Allahun dhe që mos t’i bëj shok Atij. Vetëm Atij i lutëm dhe vetëm tek Ai kthehem.” Er-Rad, 13:36
قُلْ أَفَغَيْرَ اللَّهِ تَأْمُرُونِّي أَعْبُدُ أَيُّهَا الْجَاهِلُونَ وَلَقَدْ أُوحِيَ إِلَيْكَ وَإِلَى الَّذِينَ مِنْ قَبْلِكَ لَئِنْ أَشْرَكْتَ لَيَحْبَطَنَّ عَمَلُكَ وَلَتَكُونَنَّ مِنَ الْخَاسِرِينَ بَلِ اللَّهَ فَاعْبُدْ وَكُن مِّنْ الشَّاكِرِينَ
Thuaju atyre: “Vallë, ju po më urdhëroni që të adhuroj dikë tjetër përveç Allahut, o të paditur?! Me të vërtetë, të është shpallur ty (o Muhammed), si dhe atyre që kanë qenë para teje: “Nëse i shoqëron Allahut diçka tjetër (në adhurim), me siguri që punët e tua do të zhvlerësohen dhe do të jesh ndër të humburit. Prandaj adhuro vetëm Allahun dhe bëhu falënderues!” Ez-Zumer, 39:64-66