Autor: Shejkhul Islam Ibnu Tejmijeh (v. 728)
Shpjegues i librit: Imam Abdul-Aziz bin Abdil-lah bin Baz (v. 1420)
Burimi: Sherh el-Akidah el-Uasitijeh, fq. 15
Përktheu:Valdet Gashi
www.perlatmuslimane.com
Shtylla e gjashtë është besimi në kaderin dhe se Allahu përcaktoi gjithçka përpara se Ai të krijoj njeriun. Muslimi transmeton në Sahihun e tij nga Abdullah bin Amr bin el-As (radijAllahu anhuma) i cili ka transmetuar se profeti ﷺ ka thënë:
“Allahu shkroi përcaktimet e krijesave 50,000 vite para se të krijonte qiejt dhe tokën, ndërsa arshi i Tij ishte mbi ujë.” 1
Allahu (subhaneh) ka thënë:
إِنَّا كُلَّ شَيْءٍ خَلَقْنَاهُ بِقَدَرٍ
”Ne çdo gjë kemi krijuar me paracaktim.” 2
مَا أَصَابَ مِن مُّصِيبَةٍ فِي الْأَرْضِ وَلَا فِي أَنفُسِكُمْ إِلَّا فِي كِتَابٍ مِّن قَبْلِ أَن نَّبْرَأَهَا إِنَّ ذَلِكَ عَلَى اللَّهِ يَسِيرٌ لِكَيْلَا تَأْسَوْا عَلَى مَا فَاتَكُمْ وَلَا تَفْرَحُوا بِمَا آتَاكُمْ وَاللَّهُ لَا يُحِبُّ كُلَّ مُخْتَالٍ فَخُورٍ
“S’ka fatkeqësi që godet tokën dhe ju, që të mos jetë e shënuar në libër (Leuhi Mahfudh) më parë se ta krijojmë atë. Kjo për Allahun është vërtet e lehtë! (Këtë paracaktim e kemi bërë) që ju të mos dëshpëroheni për atë që ju ka kaluar, por edhe për të mos u gëzuar së tepërmi për atë që Ai ju ka dhënë. Allahu nuk i do kryelartët mburravecë.” El-Hadid, 57:22
Kaderi është i përcaktuar, i prerë dhe i shkruar. Allahu (te ala) ka thënë:
أَلَمْ تَعْلَمْ أَنَّ اللَّهَ يَعْلَمُ مَا فِي السَّمَاء وَالْأَرْضِ إِنَّ ذَلِكَ فِي كِتَابٍ إِنَّ ذَلِكَ عَلَى اللَّهِ يَسِيرٌ
“A nuk e ke ditur se Allahu di çka ekziston në qiell e në tokë, e tërë ajo është e shënuar në libër (El-Leuh El-Mahfudh). Dhe sigurisht që kjo është krejt e lehtë për Allahun.” 4
Prandaj, Ehl-us-Sunneti besojnë se Allahu ka caktuar dhe shkruar çdo gjë pesëdhjetë mijë vjet para se të krijoj njerëzit dhe të gjitha krijesat e tjera duke përfshirë qiejt dhe tokën. Ndërkohë, arshi i Tij (subhanehu ue te ala) ishte mbi ujë.
Këto gjashtë shtylla janë bazat e besimit sipas Ehl-us-Sunnetit dhe Xhematit.
1 Muslimi (2653).
2 El-Kamer 54:49.
3 El-Hadid 57:22-23.
4 Haxh 22:70.