Alameh Zejd bin Muhammed el-Medkhali (v. 1435)
Burimi: El-Irhab, fq. 115
Përktheu: Valdet Gashi
3 – Muhammed el-Ghazali tallet me dijetarët e hadithit:
“Pasuesit e hadithit mendojnë se dëmshpërblimi për vrasjen e një gruaje është gjysma e parave të dëmshpërblimit për gjakun e vrasjes së një burri. Ky është një turp mendor dhe moral që refuzohet nga dijetarët hulumtues.”1
Ai tha kur u tall rreth atyre që pohojnë cilësitë e Allahut sipas metodologjisë së Ehl-us-Sunnetit dhe Xhematit:
“Selefët nuk dinin asgjë për këmbën e Allahut2. Nuk është e njohur se një thirrës të ketë urdhëruar njerëzit të besojnë në këtë.”3
Pastaj ai interpretoi këmbën (القدم) në një mënyrë qesharake dhe tha:
“Me këmbën është për qëllim një popull që Allahu do ta fus (يقدمهم) në zjarr.”4
Ai tha se “këmba” do të thotë një numri i madh i njerëzve. Pastaj ai vazhdoi të thotë se çështjet që janë pohuar në Kuran dhe në sunnetin autentik dhe nga dijetarët e selefëve:
“Ku është këmba me të cilën Ai ecë në këtë kontekst të qartë?”
Pastaj ai tha:
“Besimet nuk duhet të shpiken në këtë mënyrë komike. Këmba e Allahut? Çka është kjo?”5
Kjo nuk është tjetër vetëm se mendjemadhësi për të cilën profeti ﷺ ka thënë:
“Mendjemadhësi do të thotë që të refuzosh të vërtetën dhe t’i nënçmosh njerëzit.”6
Sa fatkeqësi që janë në librat dhe botimet e këtij njeriu! Çdokush që dëshiron që të ruhet prej tyre duhet të lexojë librat që e refuzojnë atë. Ndër më të njohurat janë libri i shejkh Rabi bin Hadi el-Umejr Medkhaliut i quajtur “Keshf Maukif Gazali min es-Sunneh ue Ahlihah” dhe libri i shejkh Salih bin Abdil-Aziz bin Muhammed bin Ibrahim Alush-Shejkhut i quajtur “el-Mi’jar li Ilm el-Ghazali fi Kitabihi es-Sunneh en-Nebeuijjeh”.
1 Es-Sunneh en-Nebeuijjeh, fq. 19
2 Ai ka për qëllim kofshën dhe këmbën e Allahut (azze ue xhel).
3 Sirr Ta’akhkhur-il-Muslimin, fq. 55
4 Ibid.
5 Ibid.
6 Muslimi (91).