“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

A është bërë obligimi i agjërimit të Ramazanit gradualisht?

Imam Muhammed bin Salih bin Uthejmin (v. 1421)

Burimi: Mexhmu-ul-Fataua (19/16)

Përktheu: Valdet Gashi

www.perlatmuslimane.com

Pyetja 9: A është bërë obligimi i agjërimit të Ramazanit gradualisht sikurse ndalimi i alkoolit që është bërë gradualisht?

Përgjigje: Po. Në fillim ishte në mënyrë vullnetare për secilin. Pastaj agjërimi u bë obligim.

Allahu (te ala) ka thënë:

 “Pra, kushdo nga ju që dëshmon hyrjen e këtij muaji, le të agjërojë!” 1

Etapa e dytë ishte se ai i cili binte në gjumë pasi kishte përfunduar agjërimin ose kishte falur jacinë, nuk i lejohej as të ha, as të pi ose të ketë marrëdhënie seksuale deri në perëndim të diellit ditën e nesërme. Pastaj u lehtësua kjo dispozitë.

Allahu (te ala) ka thënë: 

“Ju është bërë e ligjshme që ju të keni marrëdhënie me gratë tuaja natën e agjërimit (gjatë Ramazanit nga koha e prishjes së agjërimit në mbrëmje deri në fillimin e agjërimit për ditën pasardhëse në agim). Ato janë prehje për ju dhe ju jeni prehje për ato. Allahu e di mirë se ju gënjenit vetveten, andaj ua pranoi pendimin tuaj dhe ua fali gabimin.  Tash pra, afrojuni atyre dhe kërkoni atë që Allahu ka përcaktuar për ju (fëmijët, pasardhësit) dhe hani e pini derisa të dallohet peri i (drita e) bardhë në agim qartë nga peri i zi (errësira e natës), pastaj plotësoni agjërimin tuaj deri në rënien e natës (pasardhëse).” 2


1 2:183-185.

2 2:187.

Shpërndaje: