Bartja e orës në dorën e djathtë

Imam Muhammed Nasirudin el-Albani (v. 1420)

Burimi: http://www.sahab.com

Përktheu: Valdet Gashi

www.perlatmuslimane.com

Pyetje: Ne shohim se disa njerëz e mbajnë orën në dorën e djathtë dhe thonë se kjo është e rekomanduar. Çfarë është dëshmi për këtë?

Përgjigje: Në këtë çështje ne bazohemi tek hadithi bazë, hadithi i Aishes i cili thotë:

كانَ رَسُولُ اللهِ صلَّى اللهُ عليهِ وسلَّم يُعْجِبُهُ التَّيَمُّنُ في تَنَعُّلِهِ، وَتَرَجُّلِهِ، وَطُهُورِهِ، وَفي شَأْنِهِ كُلِّهِ

“Të dërguarit të Allahut ﷺ i pëlqente të bëjë gjithçka me të djathtën, kur ai krihte flokët, kur merrte abdes, kur mbathte sandalet e tij dhe çdo gjë tjetër.”

Ne gjithashtu po e përmendim edhe një hadith tjetër autentik në të cilin profeti ﷺ ka thënë:

ان اليهود والنصارى لا يصبغون فخالفوهم

“Jehudët dhe nasarat nuk ngjyrosin flokët dhe mjekrat; prandaj dallohuni prej tyre.”

Përveç kësaj, shumë hadithe na nxisin që të dallojmë nga kufarët. Këto hadithe vendosin një bazë për ne, përkatësisht se është e preferueshme për myslimanin që të dallohet nga të pafetë dhe se ndalohet t’i imitojë ata. Pra, nuk lejohet përngjasimi me kufarët. Në vend të kësaj, duhet gjithmonë të përpiqemi që të dallohemi prej tyre.

Kufarët e kanë zakon të bartin orën në dorën e majtë. Dhe Sheriati ynë na jep mundësi të mëdha për tu dalluar nga kufarët në këtë çështje. Bartja e orës në dorën e djathtë nënkupton që ne i përmbahemi kryerjes së veprimeve me të djathtën dhe njëkohësisht dallohemi nga kufarët.”