Imam Muhammed bin Salih bin Uthejmin (v. 1421)
Lika el-Bab el-Maftuh (4 A)
Përktheu: Valdet Gashi
www.perlatmuslimane.com
Pyetje: Një person u bë xhunub në Arafah. Megjithatë, ai e vazhdoi haxhin e tij derisa u kthye në shtëpi. Çka është i obliguar ai?
Përgjigje: Ai ka bërë një mëkat të madh sepse ai është falë gjatë gjithë këtyre ditëve në një gjendje të papastër.
Profeti ﷺ ka thënë:
“Allahu nuk e pranon namazin pa abdes/gusël.”
Sa i përket namazit, ai është i obliguar që t’i përsëris të gjitha namazet që i ka falë para se të lahej.
Sa i përket haxhit, ai është i obliguar të përsëris tauaf-ul-ifadhah sepse ai e kreu atë duke qenë xhunub. Tavafi është i pavlefshëm nëse kryhet duke qenë xhunub sepse është e paligjshme të qëndrosh në xhami në një gjendje të tillë.
Allahu -te ala- ka thënë:
“Mos iu afroni namazit duke qenë xhuhubë (të papastër) derisa të laheni.” 4:43
Nëse ai është i martuar, ai duhet të shmangë marrëdhëniet intime me gruan e tij derisa të kthehet në Mekë dhe të kryejë tauaf-ul-ifadhah. Në këtë rast, ai duhet të hyjë në ihram për umre nga mikati, të bëjë tavaf dhe sa’i, dhe të shkurtojë flokët, dhe në fund të kryejë tauaf-ul-ifadhah.
Përveç kësaj, ai duhet të pendohet tek Allahu, të kuptojë se ai i ka lënë pas dore detyrat ndaj Allahut dhe të vendos që kurrë të mos e përsërisë këtë.