“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

Burrat pasues të sunnetit, nuk duhet t’i trembin gratë me ashpërsi

Alameh Mukbil bin Hadi el-Uadi’i (v. 1422)

Burimi: http://muqbel.net/sounds.php?sound_id=17

Përgatiti: www.perlatmuslimane.com

Është obligim i burrave pasues të sunnetit, që të jenë të butë e jo të vështirë. Të mos jenë shkaktarë që femrat të mos duan të martohen me burra nga Ehlus-Sunneti. Për Allahun, ka me qindra gra që duan të martohen me pasues të Ehlus-Sunnetit. Mirëpo, vëllezërit nuk duhet t’i trembin ato. Inkurajoni dhe mos trembni, lehtësoni dhe mos vështirësoni! Kjo fe thërret në lehtësim të gjërave. Kujt i vështirësohen gjërat, ka për ta mundur e keqja.

Nuk duhet ta godasësh me shuplakë në fytyrë për fjalën më të vogël që ajo thotë, apo ta shkelmosh atë, apo ta goditësh me shkop. Është e detyrueshme që ju të jeni dakord mes vete. Ti duhet t’i japësh rëndësi mësimit të saj, edukimit e udhëzimit dhe t’ia shpjegosh gabimet e saj. Të gjithë ne bëjmë gabime, meshkuj e femra. Ndërsa, ajo duhet të kërkojë ndihmën e Allahut Subhanehu ue Te’ala dhe pastaj të kërkojë ndihmë prej grave të mira, që ta mësojnë dhe t’ia shpjegojnë gabimet e saj.

Vëllezër! Unë jua tërheq vërejtjen që mos t’i trembni gratë, duke qenë të ashpër ndaj tyre, duke bërë që ato të mos dëshirojnë të martohen me pasuesit e sunnetit.

Shpërndaje:

Dela på facebook
Dela på whatsapp
Dela på telegram