Xhinët dhe njerëzit i kam krijuar vetëm që të Më adhurojnë. [Edh-Dharijat 51:56]

Cilat janë nafilet ratibeh?

Komisioni i Përhershëm për Kërkime Shkencore dhe Fetva 

Burimi: Fetva nr: 482/10

Përktheu: Valdet Gashi

www.perlatmuslimane.com

Pyetje: Falja e namazeve nafile të cilat quhen ratibeh, a mjafton nëse nuk falen dy rekatet me rastin e hyrjes në xhami?

Përgjigje: Sunnetet ratibeh janë të njohura në hadithet autentike nga i dërguari ﷺ dhe janë 12. 

– 4 Para farzit të drekës të cilat falen dy nga dy.

– 2 Pas farzit të drekës.

– 2 Pas farzit të akshami.

– 2 pas farzit të jacisë.

– Dhe 2 para farzit të sabahut.

Profeti ﷺ ishte i kujdesshëm ndaj tyre dhe i falte rregullisht. Ndërsa në lidhje me katër rekate nafike para farzit të ikindisë, në një hadith i dërguari ﷺ thotë:

رحم الله امرأ صلى قبل العصر أربعا

“Allahu e mëshiroftë atë të cilin i falë katër rekate para namazit të ikindisë!”

Por këto nuk janë në cilësinë e ratibeve (nuk falen rregullisht) .

Gjithashtu është mirë që çdo herë mes ezanit dhe ikametit në namazin e akshamit dhe jacisë të falen nga dy rekate, siç thotë i dërguari i Allahut ﷺ:

بين كل أذانين صلاة

“Mes dy ezaneve ka namaz.”

Do të thotë mes ezanit dhe ikametit.

Është e preferueshme që këto namaze të falen por jo në cilësinë e ratibeve. Dhe për këto dy rekatet që janë përmendur në hadithin e fundit, është qëllimi në namazin e akshamit dhe të jacisë. Kushdo që falë në këtë kohë dy rekate apo falë nafilet ratibe në xhami që e kanë vendin para farzeve, i mjaftojnë edhe për dy rekatet e hyrjes në xhami.

Shpërndaje: