“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

Cili është gjykimi për të pirë tableta që shtyjnë ciklin mujor në Ramazan?

Alameh Ahmed bin Jahja en-Nexhmi (v. 1429)

Burimi: Fataua Sijam
www.perlatmuslimane.com

Pyetja nr 40: Cili është gjykimi për të pirë tableta hormonale për të shtyrë ciklin mujor në Ramazan nëse qëllimi është për të agjëruar tërë muajin?

Përgjigje: Allahu (subhanehu ue te ala) ka lejuar gratë që të mos agjërojnë gjatë ciklit mujor dhe lehonisë. Profeti ka thënë:

”Unë nuk kam parë askënd me mendje dhe fe të mangët në mënyrë që e bënë një burrë mendjemprehtë të humbet mendjen e tij si ju [gratë].” Ata thanë: ”Çka është mangësia në lidhje me mendjen dhe fenë?” Ai u përgjigj: ”Mangësia në mendje qëndron në atë se Allahu lejoi që dëshmia e dy grave të përbëjë dëshminë e një burri. Feja e tyre është e mangët sepse ka ditë kur ajo nuk agjëron dhe nuk falet.” 1

Allahu (subhanehu ue te ala) pra e ka lejuar gruan që të përmbahet nga agjërimi kur ajo e ka ciklin e saj mujor dhe lehoninë. Ajo nuk ka nevojë që të përdorë tableta për të agjëruar gjatë Ramazanit. Pos kësaj shpesh ndodh që gratë të bëhen sterile për shkak të këtyre tabletave. Ato ndikojnë negativisht tek gratë prandaj ato duhet të shmangen.


1 Bukhari (304) dhe Muslimi (80).

Shpërndaje: