“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

Dashuria dhe mirësjellja mes Selefive

Alameh Rabi bin Hadi el-Medkhali 

Burimi: “El-Lubab”, fq. 142-143

Përgatiti: www.perlatmuslimane.com

Pyetje: “Porositë tuaja të më hershme të cilat kanë të bëjnë me dashuri, mirësjellje dhe butësi, a i është drejtuar fjala Pasuesve të Bidateve apo Pasuesve të Sunnetit?”

Përgjigje: “Sjellja e mirë dhe butësia duhet t’i drejtohen mikut dhe armikut. Ndërsa dashuria për të cilën unë flas kjo është mes Selefive. Nuk është e lejuar të kesh dashuri me Pasuesit e Bidateve, por ne i thërrasim ata në fe me urtësi, mirësi e butësi. I dobëti prej nesh nuk duhet të ulet me ta. Ngase, ata e dëmtojnë atë dhe e vënë fenë e tij në sprovë. Dijetari dhe nxënësi i dijes mund t’i thërrasë ata me urtësi dhe këshillë të mirë. Mirëpo, nuk mund të shoqërohen me ta, të hanë me ta, të qeshin me ta apo të ecin me ta. Kjo e kundërshton metodologjinë e Selefëve.

Dashuria, sjellja e mirë dhe butësia duhet të jenë ndaj një Selefiut. Nëse ai ka bërë gabim ai këshillohet me urtësi. Sot ka shkuar aq larg sa që ata e bojkotojnë një person për një gabim të vogël që njeriu vepron. Kështu nuk vepruan Sahabët (radijAllahu anhum) apo Imam Ahmedi dhe shokët e tij. Janë Hadadidë dhe të ngjashmit me ta të cilët bëjnë kështu. Hadadidë janë themeluar për të përçarë Selefitë dhe për të sulmuar metodologjinë e Selefëve.”

Shpërndaje: