“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

Dëshmi të qarta për profetësinë e Khidrit 

Imam Muhammed el-Amin esh-Shenkiti (v. 1393)

Burimi: Adhua-ul-Bejan (2/420)

Përktheu: Valdet Gashi

www.perlatmuslimane.com

Ajo që dëshmon atë që kam përmendur nga Sufitë që ishin të njohur për mirësi, fe dhe drejtësi, janë fjalët e Shejkh Ebul-Kasim el-Xhunejd bin Muhammed bin el-Xhunejd el-Khazaz el-Kauaririt (rahimehullah):

”Drejtimi ynë është i vënë në kritere nga Kurani dhe Sunneti.”

Transmetuar nga Ibn Kethir, Ibn Khalikan dhe të tjerët që kanë shkruar biografinë e tij.

Është e qartë se fjala e tij është e saktë. Ndalesat dhe urdhëresat nuk mund të vijnë nga askush tjetër përveç të dërguarit (salAllahu alejhi ue selem). Kështu që e din se vrasja e djaloshit nga el-Khidhri, prishja e anijes dhe fjalët:

وَمَا فَعَلْتُهُ عَنْ أَمْرِي

Dhe unë nuk e punova tërë atë sipas bindjes sime (po sipas udhëzimit të Zotit).”1

është një dëshmi e qartë e profetësinë e tij. Sipas el-Fakhr er-Rrazit shumica e kanë këtë mendimin. Ajo që gjithashtu e nënkupton këtë është butësia e Musait (alejhis-selam) ndaj tij kur ai tha:

هَلْ أَتَّبِعُكَ عَلَى أَن تُعَلِّمَنِ مِمَّا عُلِّمْتَ رُشْدًا

“Musai i tha: ”A pranon të vijë me ty, që të më mësosh nga ajo që je i mësuar ti: dituri të drejtë e të vërtetë?”2

سَتَجِدُنِي إِن شَاء اللَّهُ صَابِرًا وَلَا أَعْصِي لَكَ أَمْرًا

“(Musai) Tha: ”Në dashtë Allahu, do të shohësh se do të jem i durueshëm dhe do të bindem në çdo gjë!”3

Ndërsa Khidri i tha atij:

وَكَيْفَ تَصْبِرُ عَلَى مَا لَمْ تُحِطْ بِهِ خُبْرًا

”Si do të durosh për atë që nuk je i njoftuar?”4


1 18:82

2 18:66

3 18:69

4 18:68

Shpërndaje:

Dela på facebook
Dela på whatsapp
Dela på telegram