“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

Gjykimi mbi marrjen e fëmijëve në xhami

Burimi: “Komisioni i Përhershëm për Kërkime  dhe Fetva”, nr 2/19853

Përgatiti: www.perlatmuslimane.com

Pyetje: “Cila është dispozita e marrjes së fëmijëve në xhami? A prishet namazi i babait nëse i thotë fëmijës së tij “shhëë” (për të heshtur)? A është e lejueshme që të merren në xhami vajzat të cilat janë mbi gjashtë vjeç?”

Përgjigje: “Së pari, kushdo që i thotë fëmijës së tij të heshtë apo “shhëë” qëllimisht gjatë namazit, atëherë namazi i tij është i pavlefshëm. Por nëse e thotë atë nga harresa apo nga padija për dispozitën rreth këtij veprimi, namazi i tij është i vlefshëm.

Së dyti, vajzat nën moshën shtatë vjeçare nuk është mirë që të merren në xhami, për shkak se i hutojnë njerëzit gjatë namazit dhe mësohen që të humbin turpin që duhet pasur në kontaktin me meshkujt. E nëse vajza është shtatë vjeçe apo më shumë, është haram që t’i futni në rreshtat (safat) e meshkujve dhe të falin namazin në safa me ta.

Allahu na dhëntë sukses! Salavatet dhe selamet qofshin mbi Profetin tonë Muhamed, mbi familjen e tij dhe shokët e tij.”

Shpërndaje: