Imam Abdul-Aziz bin Abdullah bin Baz (v. 1420)
Burimi: http://www.binbaz.org.sa/mat/369
Përgatiti: www.perlatmuslimane.com
Pyetje: “A është e lejueshme të veçuarit me gruan e xhaxhait, apo gruan e dajës, apo gruan e vëllait apo me ndonjë grua tjetër të të afërmve? A është e lejueshme që të shkoj me ndonjërën nga to në treg, apo në ndonjë vend tjetër?”
Përgjigje: “Nuk është e lejueshme të veçuarit me gruan e vëllait, apo me gruan e dajës apo me gruan e xhaxhait apo me ndonjë grua tjetër ndaj të cilave ti nuk je mahrem qysh në parim. Ngase, i dërguari i Allahut salAllahu alejhi ue selem ka thënë:
لا يخلون رجل بامرأة إلا ومعها ذو محرم
“Le të mos veçohet burri me ndonjë grua të huaj, përveç nëse me të është mahremi i saj.” (Buhariu dhe Muslimi)
Gjithashtu, i dërguari i Allahut salAllahu alejhi ue selem, ndaloi që të veçuarit me gruan e huaj. Në një hadith thuhet:
إن الشيطان ثالثهما
“I treti prej tyre është shejtani.”
Prandaj, në asnjë mënyrë nuk lejohet veçimi me dikë të huaj. Kurse, gruaja e vëllait, apo e dajës apo e xhaxhait konsiderohen të huaja.
Shkuarja në treg me ndonjërën prej tyre, nëse bëhet duke u veçuar, atëherë nuk lejohet. Por, në rast se është edhe dikush tjetër me to, gjë e cila e largon çdo lloj dyshimi, atëherë nuk ka asgjë të keqe. Tek Allahu është suksesi!”