“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

Haxhi Temetu ishte obligim vetëm për sahabët

Imam Muhammed bin Salih bin Uthejmin (v. 1421)

Lika el-Bab el-Maftuh (25 B), min: 10:40

Përktheu: Valdet Gashi

www.perlatmuslimane.com

Pyetje: Ju thatë se urdhri i të dërguarit ﷺ në lidhje me haxhin Temetu obligonte vetëm sahabët dhe askënd tjetër. Cili është argumenti për këtë, kur parimi thotë se “Çështja është në përgjithësimin e tekstit, jo në shkakun e zbritjes së tekstit”.

Përgjigje: Argument për këtë janë fjalët e Ebu Dherrit -radijAllahu anhu-:

”Vlente vetëm për ne në mënyrë të veçantë.”

Transmetuar nga Muslim.

Plus, as Ebu Bekri, Umeri, Uthmani, Aliu ose sahabët e tjerë të mëdhenj nuk i ndaluan llojet e tjera të haxhit. Sigurisht, ata kishin më shumë njohuri rreth motivit (arsyes) të dërguarit ﷺ sesa ne. Ata ishin edhe më të ditur se Ibn Abbasi dhe të gjithë të tjerët pas tij e deri në kohën tonë.

Shpërndaje: