Imam Abdul-Aziz bin Abdullah bin Baz (v. 1420)
Përktheu: Valdet Gash
www.perlatmuslimane.com
Pyetje: Ky pyetës nga Franca thotë: Shkëlqesia juaj, o shejkh, cili është kuptimi i hadithit:
“Jetëgjatësia e umetit tim është midis 60 dhe 70 vjet.”
A është ky një hadith i vërtetë dhe a është thënie e të dërguarit ﷺ?
Përgjigje: Po, me sa duket ky është kuptimi i hadithit dhe ajo që unë di është se zinxhiri i tij i transmetimit është i saktë. Hadithi do të thotë se shumica e njerëzve vdesin midis 60-70 vjet, i tillë është rasti në shumicën e rasteve. Është e mundshme që personi të jetojë deri në 90 vjet, 100 vjet ose më shumë se kaq, por shumica e njerëzve jetojnë mes 60-70 vjet, i tillë është rasti në shumicën e rasteve.
Hadithi i plotë:
Ebu Hurejra -radijAllahu anhu- tregon se profeti ﷺ ka thënë:
“Jetëgjatësia e umetit tim është midis 60 dhe 70 vjet. Të paktë janë ata që jetojnë më gjatë se kaq.”
Transmeton Tirimidhi (3550), Ibn Maxheh (4236) hadithi është hasen (i mirë).