“Nuk i kam krijuar xhinët dhe njerëzit veçse që të më adhurojnë Mua.” [Edh-Dharijat 51:56]

Kufiri i Selefiut

Shejkh Abdul-Aziz bin Jahja el-Bura´i

http://olamayemen.com/index.php?article_id=12042

Përgatiti: www.perlatmuslimane.com

Pyetje: ”E kemi një Selefi të ri që është i dobët kur është fjala për dashuri dhe urrejtje për hir të Allahut, për shkak se ai rri me disa individë të pa qartë. Përgjatë kësaj, disa Selefijun thonë se ai nuk është Selefi, ndërsa të tjerët thonë se ai është Selefi por është i dobët kur është fjala për dashuri dhe urrejtje për hir të Allahut. Ai ende është nën këshilla, duke pasur parasysh se ata individët e pa qartë ende e takojnë dhe e vizitojnë atë. Si duhet të jetë qëndrimi ynë ndaj këtij të riu?”

Përgjigje: ”Selefiu duhet të ketë kufij të cilat nuk i lejohet që ti kalojë. Në këtë kufi askush nga Pasuesit e Bidateve nuk duhet ti afrohet atij. Sepse ti e pason Sunnetin, dhe nëse fillon të dëgjosh bidatçitë dhe të devijuarit ti do të devijosh ose të paktën je udhës për në devijim. Mos e vë në rrezik veten tënde. Mos e tepro duke patur shumë mendim të mirë për veten tënde, mos mendo se në qoftë se ti e dëgjon bidatçiun të thotë diçka që nuk të bën dëm ty, thotë poeti:

”Mos e pi helmin duke shpresuar shërimin

kjo është provuar praktikisht”

Bidatçiu është si helmi, ndërsa i dërguari salAllahu alejhi ue selem ka thënë:

”Devet e sëmurë nuk duhet sjellen afër deveve të shëndosha.”

Ai salAllahu alejhi ue selem ka thënë:

”Ik nga lebrozi sikurse ik prej luanit.”

Lebroza ideologjike është më e keqe se lebroza fizike.Ruaju nga Pasuesit e Bidateve. Ndërsa ai të jetë bidatçi dhe ti Sunni, dhe thua se do ta këshillojë atë; çfarë flitet mes jush? Ju uleni dhe pini kafe së bashku, të bisedoni me njëri-tjetrin në Whatsapp, udhëtoni bashkarisht me makinë dhe gjëra të ngjashme. Mos u adapto me shoqërimin me Pasuesit e Bidateve. Kjo është e rrezikshme:

”Gruaja e zgjebosur nuk i bën dobi gruas së shëndoshë

është gruaja e shëndoshë ajo e cila do të bëhet zgjebe”

Në qoftë se një mollë e kalbur është në të njëjtën karton me mollat e mira, atëherë prishen edhe mollat e mira që janë pranë mollës së kalbur. Në qoftë se ti rri ulur pranë tij, ai do të shkatërrojë ty. Ai ka të drejtë vetëm për një këshillë. Pas kësaj ti e braktis atë. Është e mirë që vëllezërit e këshillojnë atë dhe është mirë që ata e bëjnë atë që të dyshojë në metodologjinë e tij. Megjithatë, kjo kërkon që tre apo katër njerëz të mençur të ulen me të dhe ta këshillojnë atë në mënyrën më miqësore dhe më të mirë. Pas kësaj ai duhet ose të ju zgjedhë juve ose bidatçitë Hizbijjun.

Shpërndaje: