Imam Muhammed bin Salih bin Uthejmin (v. 1421)
El-Fetaua el-Kajimeh lil-Usratil-Muslimeh, fq. 165
Përmblodhi: S’ad Abdul-Gaffar Ali
Përktheu: Valdet Gashi
www.perlatmuslimane.com
Pyetje: Unë dua ta bëjë haxhin tim të parë ndërsa jam nënë e disa fëmijëve, fëmija im më i vogël është pesë muajsh. Unë e mëkoj atë. Megjithatë, ai mund të hajë tjera gjëra përveç qumështit të gjirit. Burri im nuk më lejon ta bëjë haxhin për shkak se po e mëkoj atë dhe unë nuk dua ta marrë fëmijën tim në haxh për shkak të ndryshimeve klimatike, sëmundjeve etj. Marrja e vendimit për të shkuar apo jo edhe unë në haxh, varet në përgjigjen tuaj. Andaj pyes sepse janë këta faktorë të vlefshëm që unë të mos e bëjë haxhin këtë vit apo jo?
Përgjigje: Gruas me gjendje të tillë i lejohet që ta shtyjë haxhin për në vitin e ardhshëm. Së pari, shumë dijetarë thonë se nuk është obligim bërja e haxhit menjëherë kur të jepet mundësia për ta bërë atë dhe se lejohet shtyrja por pa e vonuar atë!
Së dyti, ajo ka nevojë të qëndrojë në shtëpi në mënyrë që të kujdeset për fëmijët e saj. Veprim i cili është shumë i lavdërueshëm.
Profeti ﷺ ka thënë:
“Gruaja është bareshë dhe përgjegjëse për shtëpinë e burrit të saj dhe për fëmijët e tyre.”
Andaj e këshilloj që të pres deri në vitin e ardhshëm, duke e lutur Allahun që t’ia lehtësojë asaj dhe të vendos për të atë që është më e mira.