Alameh Muhamed bin Abdilah Es-Subejjil
Resail Fil-‘Akidati Ued-Da’ueh”, fq. 190-191
Përktheu: Valdet Gashi
www.perlatmuslimane.com
Pyetje: Cili është gjykimi mbi festimin e datëlindjes së profetit ﷺ? Dhe cili është gjykimi që njeriu të festojë ditëlindjen e vet çdo vit?
Përgjigje: Allahu -azze ue xhel- ka thënë:
“Çfarëdo që t’ju japë i dërguari, merreni atë, e çfarëdo që t’ju ndalojë, hiqni dorë prej saj.” El-Hashr, 59:7
El-‘Irbad bin Sarijeh -radijAllahu anhu- rrëfeu se i dërguari i Allahut ﷺ ka thënë:
“Andaj kapuni fort pas sunnetit tim dhe sunnetit të kalifëve të drejtë dhe të udhëzuar, shtrëngojeni me dhëmballë, dhe ruajuni nga gjërat e shpikura ngase çdo bidat është lajthitje dhe çdo lajthitje është në zjarr.”1
Aishah -radijAllahu anha- rrëfeu se i dërguari i Allahut ﷺ ka thënë:
“Kush shpik diçka në këtë çështjen (fenë) tonë që s’është prej saj, ajo i refuzohet.”
As profeti ﷺ, as sahabët apo dikush prej selefëve nuk e festuan asnjëherë ditëlindjen e profetit ﷺ. Prandaj kjo vepër është risi e futur në fe. Po të kishte qenë kjo vepër sunnet dhe vepër e mirë, do ta kishin praktikuar këtë veprim para nesh sahabët dhe tebiinët të cilët ishin edhe më të mirë se ne.
Gjithashtu nuk është e lejuar që njerëzit të festojnë ditëlindjet e tyre. Veprimi i tillë është risi. Është transmetuar në mënyrë autentike hadithi i profetit ﷺ:
“Kush shpik diçka në këtë çështjen (fenë) tonë që s’është prej saj, ajo i refuzohet.”
Kjo gjithashtu është përngjasim me kufarët.
Profeti ﷺ ka thënë:
“Kush i përngjason një populli, ai është prej tyre.”
1 Hadithi i plotë është:
“I dërguari i Allahut ﷺ na këshilloi me disa fjalë që na i tronditën zemrat e na i përlotën sytë.
Atëherë ne i thamë: “O i dërguari i Allahut, këto fjalë po na duken sikur janë këshillë lamtumirëse, ndaj na porosit!
Ai tha: “Ju porosis të keni frikë Allahun dhe të jeni të dëgjueshëm dhe të bindur edhe nëse ju bëhet prijës ndonjë rob, sepse ai që jeton më gjatë nga ju do të shohë kundërshti të shumta, ndaj kapuni fort pas sunnetit tim dhe sunnetit të kalifëve të drejtë dhe të udhëzuar, shtrëngojeni me dhëmballë, dhe ruajuni nga gjërat e shpikura ngase çdo bidat është lajthitje dhe çdo lajthitje është në zjarr.” 40 hadithet e Neueuiut (hadithi nr 28).