Xhinët dhe njerëzit i kam krijuar vetëm që të Më adhurojnë. [Edh-Dharijat 51:56]

Muhamed bin el-Hasan esh-Shejbani

Shkruar nga Shejkh Muhamed bin Abdil-Aziz bin Mani

Burimi: Hashijah ala el-Akidah et-Tahauijeh, fq. 17

Përgatiti: www.perlatmuslimane.com

Muhamed bin el-Hasan bin Farqad esh-Shejbani. Harun er-Rashidi e zgjodhi atë si gjykatës. Kur ai udhëtoi me Rashidin për në Horasan, ai vdiq në Rajj, ku edhe u varros.

Babai i tij ishte ushtar në Sham. Kur ai erdhi në Uasit, lindi Muhamedi. Viti ishte 132 Hixhri.

Ai u rrit në Kufe dhe mësoi tek Ebu Hanife, Maliku, Ebu Jusufi dhe të tjerët. Ai jepte mësime në xhaminë e Kufes, kur ai ishte njëzet vjeç.

Ibrahim el-Harbi ka thënë:

E kam pyetur Imam Ahmedin, se ku ai i kishte mësuar çështjet aq me saktësi. Ai tha: ”Nga librat e Muhamed bin Hasanit.

Ai vdiq në vitin 189 hixhri në Rajj.

Es-Sam’ani ka thënë:

”Muhamed bin el-Hasan dhe el-Kisa’i vdiqën në të njëjtën ditë në Rajj.

Thuhet se Rashidi e kishte zakon të thoshte:

”Fikhu dhe gjuha arabe janë varrosur në Rajj.”

Muhamed bin Hasan ishte kushëri i Farrait i cili ishte një imam i njohur në lidhje me gramatikën dhe gjuhën arabe.

Shpërndaje: