Imam Muhammed bin Salih bin Uthejmin (v. 1421)
Sherh Sahih el-Bukhari (2/366)
Përktheu: Valdet Gashi
www.perlatmuslimane.com
Imam Bukhari ka thënë:
78 – Kapitulli i futjes së devesë në xhami.
Ibn Abbasi ka thënë:
“Profeti ﷺ e bëri tavafin në deve.”
464 – Abdullah bin Jusuf na tregoi: Maliku na tregoi, nga Muhammed bin Abdirr-Rrahman bin Neufel, nga Urueh nga Zejnah bint Ebu Selemeh, nga Umm Selemeh e cila ka thënë:
“U ankova te profeti ﷺ për shëndetin tim dhe ai tha: “Bëje tavafin pas njerëzve.” E bëra tavafin ndërsa i dërguari i ﷺ falej pranë qabes dhe lexonte suren “et-Tur”.”
Hadithi dëshmon se është e padëmshme të falesh pas tauaf-ul-ueda sepse profeti ﷺ e fali sabahun pas tauaf-ul-ueda. Atëherë si mund të kombinohet ky hadithi me hadithin e Ibn Abbasit -radijAllahu anhuma-:
“Njerëzit u urdhëruan që tavafi rreth qabes të jetë gjëja e fundit që ata bëjnë. Ishte vetëm gruaja me menstruacione e cila u lirua nga kjo.” Bukhari (1755) dhe Muslimi (1328).
Po, pushimi i shkurtër është i padëmshëm. E njëjta gjë vlen edhe nëse një person ha drekë apo darkë, blenë diçka për udhëtim ose e pret kompaninë e tij [pas tauaf-ul-ueda] – kjo nuk ndikon.